37:424  hic  armentis  aptus  erat.  Videmus  hic  promissiones  Dei  non  tantum  futurae,  sed  etiam  praesentis  vitae  beneficia  continere,  ut  magis  ac  magis  liberalitatem  eius  ac  beneficentiam  gustemus.  His  enim  ad  maiora  ac  praestantiora  coelestis  vitae  beneficia  invitamur.  Quod  Dominus  liberalitatem  suam  in  pecora  usque  et  armenta  extendit,  nos  eo  magis  confirmari  decet  ac  certiores  reddi  de  paterna  eius  cura  et  sollicitudine  erga  nos.  Nam  si  pecorum  rationem  habet,  quae  in  gratiam  nostra  creata  sunt,  multo  magis  omnia  quae  ad  praesentem  ac  futuram  vitam  necessaria  sunt  suppeditabit.  Quanquam  simul  tenenda  est  anagoge,  de  qua  alibi  diximus,  a  terrena  benedictione  Dei  ad  spirituale  Christi  regnum  quod  sub  imagine  prophetae  adumbrant.  (Populo  meo.)  Hic  quoque  reprobos  excludit,  quos  Dei  nomine  inaniter  ac  frustra  gloriari  non  pudebat.  Tametsi  promissiones  et  sacramenta  iactent  confidenter,  tamen  nihil  commune  habent  cum  filiis,  atque  ab  omni  spe  beneficiorum  Dei  exclusi  mercedem  suae  iniquitatis  recipiunt.  Et  addendo  qui  quaesierunt  me  apertius  designat  quinam  horum  beneficiorum  participes  futuri  sunt,  ut  reprobos  et  hypocritas  omnino  abdicet,  sicuti  iam  dictum  est  Haec  enim  certa  est  nota,  qua  agni  ab  hoedis,  legitimi  filii  ab  adulterinis  secernuntur,  nempe  quaerere  Dominum.  Nec  enim  satis  est  nomen  et  titulum  obtendere,  sed  quaerendus  Dominus  pura  conscientia,  ut  ei  toto  animo  adhaereamus.  l  l  .  (At  vos  desertores.)  Iterum  ne  hypocritae  abutantur  his  promissionibus,  aut  ad  se  pertinere  putent  quae  de  restitutione  populi  dicta  sunt,  his  verbis  ipsos  compellat:  ac  desertores  vocat,  quod  montis  Sion  obliti  sint,  hoc  est  a  vero  Dei  cultu  discesserint.  Nam  metonymice  per  montem  sanctitatis  significat  regulam  bene  vivendi,  quae  verbo  Domini  praescripta  erat.  Quandoquidem  templum  exstructum  erat  Domini  iussu,  ut  illic  invocaretur:  item  altare  in  quo  Dominus  sacrificia  offerri  volebat.  Impura  igitur  erant  ea  sacrificia  et  libamina  quae  aliis  in  locis  aliisve  diis  fiebant,  vel  aliter  quam  ex  puro  legis  ritu.  Nihil  enim  arbitrio  suo  aggredi  fas  est  hominibus:  quia  Dominus  nihil  praeter  obedientiam  requirit.  Obedientia  autem  nulla  est  sine  fide.  Fides  vero  nulla  est  sine  verbo,  nec  extra  ipsum  inquirere  de  Deo  aut  cogitare  licet.  (Qui  paratis.)  Enumerat  eorum  superstitiones.  Dictio  "tt  varie  exponitur.  Alii  enim  Iovem,  aut  stellam  Iovis,  alii  Fortunam  significari  putant.  Hieronymus  vertit:  Qui  ponitis  mensam  Fortunae:  existimat  enim  notari  prosperos  successus.  Sed  probabilius  mihi  videtur  -p  accipi  pro  copia  seu  turba,  aut  etiam  exercitu.  Atque  etymologiae  vocabuli  et  contextui  satis  convenit.  Est  locus  inter  alios  notatu  dignus,  Genes.  30  (v.  l  l  )