6:423  TRAICTE  DES  RELIQUES.  sans  constare,  sur  laquelle  fut  iecte  le  sort,1)  pource  qu'elle  sembloit  plus  propre  a  esmouvoir  les  simples  a  devotion,  il  s'en  est  trouve  plusieurs.  Oar  a  Argenteul  pres  Paris  il  y  en  a  une,  et  a  Trier  une  autre.  Et  si  la  bulle  de  sainct  Salvador  en  Hespaigne  dit  vray,  les  chrestiens,  par  leur  zele  inconsidere,  ont  faict  pis  que  ne  feirent  les  gensdarmes  incredules.  Car  iceux  n'oserent  la  deschirer  en  pieces,  mais  pour  l'espargner  mirent  le  sort  dessus,  2)  et  les  chrestiens  Tont  despecee  pour  l'adorer.  Mais  encores  que  respondront  ilz  au  Turc  qui  se  moque  de  leur  folie,  disant  qu'elle  est  entre  ses  mains?  Combien  qu'il  n'est  ia  mestier  de  les  faire  plaider  contre  le  Turc:  il  suffit  qu'entre  eux  ilz  vuydent  leur  debat.  Ce  pendant  nous  serons  excusez  de  ne  croire  ne  a  l'un  ne  a  l'autre,  de  peur  de  ne  favoriser  a  l'une  des  parties  plus  que  a  l'autre,  sans  congnoissance  de  cause.  Car  cela  seroit  contre  toute  raison,  [page  38]  Qui  plus  est,  s'ilz  veulent  qu'on  adiouste  foy  a  leur  dire,  il  est  requis,  en  premier  lieu,  qu'ilz  s'accordent  avec  les  Evangelistes.  Or  est  il  ainsi,  que  ceste  robbe,  sur  laquelle  le  sort  fut  ieete,  estoit  un  saye  ou  hocqueton,  que  les  grecz  appellent  choeton,3)  et  les  latins  tunica.  Qu'on  regarde  si  la  robbe  d'Argenteul,  ou  celle  de  Trier,  ont  telle  forme,  on  trouvera  que  c'est  comme  une  chasuble  pliee.4)  Ainsi,  encore  qu'ilz  crevassent  les  yeux  aux  gens,  si  congnoistroit  on  leur  faulsete  en  tastant  des  mains.  Pour  faire  fin  a  cest  article,  ie  demanderois  voluntiers  une  petite  question.  Ce  que  les  gendarmes  ont  divise  entre  eux  les  vestemens  de  Iesus  Christ,  comme  l'Escriture  tesmoigne,  il  est  certain  que  c'estoit  pour  s'en  servir  a  leur  profit.  Qu'ilz  me  sachent  a  dire,  qui  a  este  le  Chrestien  qui  les  ayt  rachepte  des  gendarmes,  tant  le  saye  que  les  autres  vestemens  qui  se  monstrent  en  d'autres  lieux,  comme  a  Rome  en  l'eglise  sainct-  Eustaee,5)  et  ailleurs.  Comment  est-ce  que  les  Evangelistes  ont  oublie  [page  39]  cela?  Car  c'est  une  chose  absurde,  de  dire  que  les  gendarmes  ont  butine  ensemble  les  vestemens,  sans  adiouster  qu'on  les  a  racheptez  de  leurs  mains,  pour  en  faire  des  reliques.  D'avantage,  comment  est-ce  que  tous  ceux  qui  ont  escrit  anciennement,  ont  este  si  ingratz  de  n'en  sonner  mot?  Ie  leur  donne  terme  a  me  respondre  sur  ces  questions,  quand  les  hommes  n'auront  plus  sens  ni  entendement  pour  iuger.  Le  meilleur  est  que  avec  la  robbe,  ilz  ont  aussi  1)  sur  laquelle  fut  iecte  le  sort,  manque  dans  la  traduction  latine.  2)  mais  pour  l'espargner  mirent  le  sort  dessus,  omis  dans  la  traduction.  o)  Toutes  les  editions  francaises  ecrivent  choeton;  Gallasius  a  mis  xiTupa.  4)  pliee  manque  1563  suiv.  et  dans  la  traduction  latine.  5)  Estache  1543;  Eustathii  G.