54:423  423  SERMON  IV  424  donc  leur  eust  este  trop  rude  de  les  reietter.  Mais  ce  qui  est  aucunement  supportable  au  peuple,  ce  n'est  pas  a  dire  qu'il  le  faille  endurer  en  celuy  qui  doit  estre  le  miroir,  et  qui  doit  monstrer  le  chemin  aux  autres.  Si  on  me  reproche  quelque  vice,  et  que  i'allegue,  Mon  voisin  un  tel  en  faut  bien  autant  Voire,  mais  mon  voisin  n'a  pas  ceste  charge  d'enseigner  les  autres,  et  les  redarguer.  Ainsi  donc  il  ne  faut  pas  que  les  ministres  de  la  parole  de  Dieu  se  permettent  une  telle  licence,  que  ce  qui  sera  endure  aux  autres,  ils  le  facent  :  mais  qu'ils  cognoissent  ce  qui  leur  est  licite.  Car  c'est  bien  raison  qu'ils  ayent  une  bride  plus  estroite  :  ou  si  les  autres  ont  une  bride,  qu'elle  soit  double  en  eux.  Sainct  Paul  donc  voyant  qu'il  y  avoit  un  mal  entre  les  Iuifs  qui  ne  se  pouvoit  pas  si  tost  corriger,  ascavoir  la  multitude  de  femmes,  (c'est  qu'un  homme  se  donnoit  ceste  licence  d'avoir  deux,  ou  plusieurs  femmes,  combien  que  cela  fust  contre  la  parole  de  Dieu,  tellement  que  l'ayant  usurpe  par  une  longue  coustume,  ils  en  faisoyent  une  loy,  qui  ne  se  pouvoit  pas  oster  du  premier  iour,  comme  il  en  advient  des  vices  enracinez:)  notamment  il  ne  veut  point  que  les  Pasteurs,  et  ceux  qui  ont  la  charge  d'enseigner,  soyent  enveloppez  en  un  tel  blasme,  qu'ils  ayent  plusieurs  femmes:  car  cela  ne  pourroit  estre  que  d'intemperance.  Et  puis  quand  un  homme  qui  aura  perverti  ce  qui  doit  estre  le  plus  sainct  de  tous  les  contracts,  et  mesmes  qui  aura  renverse  Tordre  de  nature,  comment  pourra-il  estre  exempte  de  tout  blasme?  Nous  scavons  que  le  mariage  est  comme  un  lien  sacre.  Et  nature  nous  enseigne  que  la  multitude  des  femmes  est  une  chose  vileine  et  detestable.  Celuy  donc  qui  aura  renverse  les  fondemens  de  nature,  s'il  monte  en  chaire,  et  qu'il  dise,  Mes  amis,  il  nous  faut  monstrer  en  toute  nostre  vie  que  nous  demandons  de  servir  a  Dieu  en  crainte  et  obeissance,  et  en  toute  honnestete,  il  ne  faut  pas  que  nous  soyons  comme  les  Payens  qui  n'ont  nulle  regle  de  la  parole  de  Dieu,  et  comment  osera��il  ainsi  parler,  quand  on  luy  dira,  Et  vilein,  tu  viens  ici  crier  que  c'est  une  corruption  contre  le  lien  de  mariage  que  d'avoir  deux  femmes,  et  tu  les  as?  Ainsi  donc  sainct  Paul  a  voulu  qu'une  telle  corruption  fust  retranchee  en  tous  Pasteurs,  afin  que  par  ce  moyen  les  autres  cognussent,  Ceci  desplaist  a  Dieu,  c'est  un  desordre  qui  n'est  point  a  souffrir,  et  combien  qu'il  ne  se  corrige  pas  au  commun  peuple  si  tost  qu'il  seroit  requis,  si  faut-il  que  nous  apprenions  de  nous  reduire.  Voila  donc  par  quel  bout  sainct  Paul  a  voulu  commencer:  et  nous  avons  maintenant  son  intention.  Cependant  il  nous  faut  noter  que  sainct  Paul  n'a  pas  cerche  quelque  sainctete  (comme  le  Pape)  quand  les  ministres  de  la  parole  de  Dieu  s'abstiendroyent  du  tout  du  mariage.  Quand  sainct  Paul  dit  qu'un