52:423  423  EPIST.  PAULI  AD  TITUM  424  genera.  Atque  hoc  non  parvam  emphasin  habet,  quod  Dei  gratia  ad  servile  usque  genus  se  demiserit.  Nam  quum  Deus  ne  infimos  quidem  et  postremae  sortis  nomines  despiciat,  plus  quam  absurdum  foret,  nos  ad  amplexandam  eius  bonitatem  pigros  esse  ac  resides.  12.  Ut  abnegata  impietate.  Nunc  regulam  vitae  bene  instituendae  tradit,  et  unde  fieri  debeat  initium  :  nempe  a  prioris  vitae  abnegatione,  cuius  duas  partes  recenset,  impietatem  et  mundana  desideria.  Sub  impietate  non  tantum  superstitiones  comprehendo,  in  quibus  erraverant:  sed  profanum  Dei  contemptum,  qualis  regnat  in  hominibus,  donec  illuminati  sint  in  veritatis  notitiam.  Utcunque  enim  aliquam  religionem  prae  se  ferant,  nunquam  tamen  sincere  aut  ex  animo  Deum  timent  ac  reverentur:  quin  potius  sopitas  habent  conscientias,  ut  nihil  minus  reputent,  quam  Deo  esse  serviendum.  Mundanas  cupiditates  vocat  omnes  carnis  affectus:  quoniam  donec  ad  se  nos  Dominus  traxit,  nihil  respicimus  quam  mundum.  Meditatio  enim  coelestis  vitae  a  regeneratione  incipit.  Prius  vero  in  mundum  inclinant  studia  omnia  et  in  mundo  haerent.  Temperanter  et  iuste  et  pie.  Quemadmodum  tria  ante  posuit,  quum  vellet  summam  complecti  christianae  vitae:  ita  nunc  eam  definit  tribus  istis,  pietate,  iustitia  et  temperantia.  Pietas,  erga  Deum  religio  est:  iustitia  inter  homines  locum  habet.  Utraque  harum  qui  praeditus  est,  ei  nihil  deest  ad  perfectam  virtutem.  Et  certe  in  lege  Dei  summa  perfectio  traditur,  cui  nihil  omnino  addi  potest.  Sed  quemadmodum  exercitia  pietatis  sunt  quasi  prioris  tabulae  appendices  :  ita  temperantia,  cuius  hoc  loco  Paulus  meminit,  non  alio  quam  ad  legis  observationem  spectat:  et  quemadmodum  ante  de  patientia  dixi,  prioribus  additur  veluti  condimentum.  Nec  varius  est  apostolus  qui  nunc  patientiam,  nunc  temperantiam  nominat,  quasi  sanctae  vitae  complementum.  Neque  enim  diversae  sunt  virtutes:  quum  Gwcppoaovrc  sub  se  tolerantiam  comprehendat.  Addit,  in  hoc  saeculo:  quia  Dominus  praesentem  vitam  fidei  nostrae  probationi  destinavit.  Quamvis  enim  nondum  fructus  recte  factorum  appareat:  nobis  tamen  ad  studium  bene  agendi  sufficere  spes  debet.  Atque  hoc  est  quod  statim  addit.  13.  Exspectantes  beatam  spem.  A  spe  futurae  immortalitatis  exhortationem  deducit.  Et  certe  fieri  non  potest  quin  illa,  si  penitus  animis  nostris  insideat,  nos  totos  addicat  Deo.  Contra,  qui  mundo  et  carni  vivere  non  desinunt,  nunquam  vere  gustarunt  quid  valeat  aeternae  vitae  promissio.  Dominus  enim  in  coelum  vocando,  a  terra  nos  abducit.  Spem  hic  posuit  pro  re  sperata  :  alioqui  impropria  esset  loquutio.  Sic  autem  appellat  felicem  vitam,  quae  nobis  in  coelo  est  reposita.  Simul  declarat  quando  futuri  simus  eius  compotes,  et  quid  nos  respicere