47:423  423  IN  EVANGELIUM  IOANNIS  424  pati  poterat,  passa  fuerat  a  Iudaeis:  non  quod  iniuriis  hominum  obnoxius  sit  Deus,  vel  ad  eum  usque  perveniant,  quae  illi  ex  terra  probra  ingeruntur,  sed  quia  hac  loquutione  exprimere  voluit,  quanti  sacrilegii  rea  sit  hominum  impietas,  dum  se  contumaciter  in  coelum  attollit.  Merito  autem  Ioannes  Iudaeis  adscribit,  quod  militis  romani  manu  peractum  est:  quemadmodum  alibi  dicuntur,  filium  Dei  crucifixisse  (Act.  2,  36),  quamvis  digito  non  attigerint  eius  corpus.  Nunc  quaeritur,  promittatne  Deus  poenitentiam  Iudaeis  in  salutem,  an  se  venturum  ultorem  minetur.  Ego  dum  locum  diligentius  expendo  utrumque  complecti  arbitror  :  quod  scilicet  reliquias  tandem  ex  perdita  et  desperata  gente  in  salutem  colliget  Deus,  et  contemptoribus  horribili  sua  vindicta  ostendet,  quocum  negotium  habuerint.  Scimus  enim,  prophetis  non  minus  audacter  solitos  fuisse  illudere  quam  si  absque  ullo  Dei  mandato  fabulati  essent.  Hoc  illis  impune  cessurum  negat  Deus,  quia  tandem  causam  suam  asseret.  38.  Post  haec  autem  rogavit  Pilatum  Ioseph  Arimathiensis,  (qui  discipulus  erat  Iesu,  occultus  tamen  propter  metum  Iudaeorum)  ut  tolleret  corpus  Iesu:  et  permisit  Pilatus.  Venit  ergo  et  sustulit  corpus  Iesu.  39.  Venit  autem  et  Nicodemus  (qui  venerat  ad  Iesum  nocte  primum)  ferens  mixturam  myrrhae  et  aloes,  circiter  libras  centum.  40.  Sumpserunt  ergo  corpus  Iesu  et  ligarunt  illud  linteis  cum  aromatibus,  ut  mos  est  Iudaeis  sepelire.  41.  Urat  autem  in  loco,  ubi  crucifixus  fuit,  hortus:  et  in  horto  monumentum  novum  in  quo  nondum  quisquam  positus  fuerat.  42.  Illic  ergo  propter  parasceuen  Iudaeorum,  quia  monumentum  prope  erat,  posuerunt  Iesum.  38.  Bogavit  Pilatum  Ioseph.  Iam  recitat  Ioannes  a  quibus,  et  quo  in  loco,  et  quam  honorifice  sepultus  fuerit  Christus.  Duos  nominat  Ioannes,  qui  Christum  sepulturae  mandarunt,  Ioseph  et  Nicodemum  :  quorum  prior  a  Pilato  sibi  mortui  corpus  dari  petiit,  quod  alioqui  expositum  fuisset  militum  libidini.  Illum  Matthaeus  divitem  fuisse,  Lucas  vero  decurionem,  hoc  est,  senatorii  ordinis  testatur.  Nicodemum  vero  capite  tertio  vidimus  dignitate  inter  suos  fuisse  praeditum  :  fuisse  vero  etiam  divitem  colligere  promptum  est  ex  tanto  sumptu,  quem  fecit  in  afferenda  mixtura.  Ergo  illis  hactenus  obstiterant  divitiae,  ne  Christo  nomen  darent,  et  in  posterum  non  minus  obstare  poterant,  ne  professionem  susciperent  tantopere  odiosam  et  infamem.  Et  nominatim  evangelista  commemorat  Ioseph  antehac  metu  fuisse  retentum,  ne  auderet  se  Christi  discipulum  profiteri.  De  Nicodemo  autem  repetit  quod  antea  habuimus,  clam  et  noctu  ad  Iesum  venisse.  Unde  igitur  repente  heroica  illis