37:423  423  IN  ISAIAM  424  nem:  nec  in  universum  omnes  eodem  exitio  deleat.  Nec  vero  tantum  intelligit  pios  fore  salvos,  sed  aliquem  populum  superstitem  fore,  in  quo  nomen  ipsius  invocetur.  Atque  diligenter  notanda  est  similitudo.  Exiguas  enim  reliquias  fore  ostendit,  prae  ea  multitudine  quae  tunc  erat:  sicuti  iam  antea  1.  cap.  declaratum  est.  Quod  autem  pii  saepe  com  reprobis  dant  poenas,  ne  immerito  id  fieri  existimemus.  Satis  enim  culpae  in  unoquoque  nostrum  reperiet  Dominus,  ut  nos  affligat  ac  puniat.  Deinde  vult  nos  erudire  atque  excitare  flagellis  suis:  et  quum  alicui  populo  coniuncti,  ac  velut  corpori  insiti  simus,  mirum  profecto  videri  non  debet,  si  iisdem  plagis  ac  doloribus  afficimur,  quum  membra  quodammodo  morbosa  simus.  Interea  temperat  Deus  poenas,  ne  electas  plantas  radicitus  evellat.  9.  (Et  educam.)  Explicat  superiorem  versum  aliis  verbis,  atque  ostendit  Dominum  velle  sibi  reservare  aliquod  semen  a  quo  invocetur.  Sic  enim  castigare  solet  Dominus  populum  suum,  ut  ecclesiam  exstare  velit,  in  qua  veritas  ipsius  et  pura  religio  conservetur.  Ob  quam  etiam  causam  Paulus  ipsam  vocat  columnam  et  firmamentum  veritatis  (1.  Tim.  3,  15).  Non  est  igitur  aestimanda  ecclesia  ex  praesenti  rerum  statu  (quum  hic  nihil  stabile  esse  possit)  sed  ex  consilio  Dei,  qui  eam  everti  aut  deleri  non  patietur.  Haec  ergo  diligenter  nobis  tenenda  sunt,  ne  cladibus  aut  ruinis,  aut  ulla  quantumvis  deformi  ecclesiae  vastatione  terreamur.  Haeredes  montium  nominat  qui  ab  exsilio  reversi  patriam  rursus  incolent.  Erat  autem  montuosa  Iudaeae  regio,  ut  satis  notum  est.  Rursus  autem  explicat  quae  obscuriora  videri  poterant.  Significat  enim  redituros  Iudaeos  in  pristinum  statum,  ut  ea  regione  fruantur,  tanquam  haereditate  sua,  e  qua  eiecti  erant.  Redacta  enim  est  paulo  post  Iudaea  in  summam  vastitatem.  Hoc  non  fore  diuturnum  testatur  Dominus:  et  quo  magis  confirmet,  summatim  mentionem  facit  foederis,  quo  terra  illa  ipsis  destinata  est,  ut  eam  haereditario  iure  possiderent.  Tametsi  ergo  diu  exsularent:  tamen  eos  hoc  haereditatis  nomine  excitari  oportebat,  ut  se  tandem  eius  possessionem  recuperaturos  esse  confiderent.  Sed  notandum  est  ad  electos  et  veros  Dei  cultores  restringi.  hanc  gratiam,  ne  eam  promiscue  ad  se  traherent  quilibet.  10.  (Et  erit  Saron.)  His  figuris  nihil  aliud  docet  quam  rursus  habitandam  esse  terram,  quae  deserta  fuit.  Subest  enim  tacita  comparatio:  tametsi  incolis  eius  in  longinquam  regionem  pulsis  deserta  fuerit  et  vasta,  tamen  ita  denuo  coletur  ut  pecoribus  et  armentis  abundet,  atque  fertilia  et  compascua  loca  habeat,  omniaque  ad  victum  et  cultum  necessaria  abunde  subministret.  Saron  compascuus  locus  fuit,  item  Achor:  sed  ille  pecoribus,