20:423  423  EPISTOLAE  4169.4171  424  ce  qui  servoit  a  leur  fol  appetit.  Nostre  Seigneur  par  une  iuste  punition  a  permis  qu'ils  soient  tombez  en  des  resveries  tant  absurdes  que  tout  homme  de  bon  sens  en  a  horreur.  Et  de  cela  vous  en  avez  assez  de  miroirs  aupres  de  vous,  car  les  pais  circonvoisins  de  vous  en  ont  este  autant  infectez  que  nulz  autres.  Parquoy  soies  sur  voz  gardes,  et  que  Satan  n'ait  point  d'entree  pour  vous  surprendre.  Et  sachez  que  nostre  Seigneur  desgaigne  le  glaive  de  sa  parole  pour  vostre  deffence,  et  pour  repoulser  les  assaulx  de  l'ennemy,  quant  il  vous  faict  ce  bien  que  vous  aiez  quelque  docteur  pour  vous  munir,  affin  que  vous  ne  soies  point  esbranlez  par  la  cautelle  et  malice  des  seducteurs.  Pour  obvier  a  tous  dangers  qui  pourroient  advenir,  pour  reduire  ceulx  qui  desia  auroient  erre,  il  seroit  bon  que  vous  eussiez  quelque  police  entre  vous,  c'est  que  vous  eussiez  quelque  forme  de  discipline  pour  admonester  ceulx  qui  faillent,  pour  tenir  les  rebelles  en  bride,  et  renger  chascun  a  faire  son  office.6)  Car  comme  nous  avons  este  le  temps  passe  soubz  ceste  malheureuse  tyrannie  du  pape,  aussi  c'est  bien  raison  que  nous  soions  maintenant  soubz  le  ioug  de  Jesuschrist,  congnoissans  que  la  liberte  qui*  nous  donne  n'est  point  une  licence  desbridee,  qui  nous  iette  en  desordre  et  confusion,  mais  plus  tost  que  c'est  pour  nous  tenir  en  son  obeissance.  Quant  doncques  vous  auries  quelque  police  decente,  elle  serviroit  non  seulement  pour  remedier  a  la  diversite  des  opinions,  mais  aussi  pour  reprimer  les  scandales  et  les  vices,  et  les  dissolutions  qui  se  commectent  en  la  vie,  et  Dieu  seroit  de  tant  plus  honore  entre  vous.  Quant  ie  vous  ay  allegue  la  necessite  que  nous  avons  d'avoir  forme  d'eglise  pour  nous  assembler  au  nom  de  Dieu,  en  cela  ie  comprens  aussi  l'usaige  des  sacremens.  Car  ne  pensons  point  que  nostre  seigneur  les  nous  ait  ordonnez  comme  choses  superflues  et  de  faict  si  nous  considerons  bien  nostre  infirmite,  il  nous  sera  facile  de  iuger  combien  ilz  nous  sont  requis.  Nous  ne  sommes  pas  spirituelz,  comme  des  Anges  de  paradis,  qui  nous  puissions  passer  de  signes  visibles.  Or  puis  que  Dieu  par  sa  bonte  infinie  a  supporte  nostre  rudesse  iusque  la,  de  nous  donner  des  aides  qui  soient  convenables  a  nostre  capacite,  gardons  nous  de  les  reietter,  ou  de  n'en  tenir  compte,  si  nous  ne  voulons  provocquer  son  ire  contre  nous.  Ainsi  que  vous  aiez  en  singuliere  recommandation  le  baptesme  et  la  saincte  cene.  Combien  que  le  baptesme  que  nous  avons  tous  receu  une  fois,  nous  soit  un  signe  perpetuel  de  la  grace  de  Dieu  et  de  nostre  adoption,  par  laquelle  il  nous  a  faict  ses  enfans,  toutesfois  en  ordonnant  la  cene  pour  une  nouvelle  confirmation,  il  a  congneu  6)  II  n'y  avait  donc  pas  encore  d'eglise  organisee.