8:422  Brief,  Dieu  n'ornet  nul  moyen  pour  avancer  nostre  salut.  Craignons  donc  ceste  reproche  qu'il  faict  par  son  prophete  Esaie  au  chapitre  65  (v,  2):  I'ay  tout  le  iour  espandu  mes  bras  a  ce  peuple  rebelle.  [f.  53J  Si  ceulx  qui  sont  errans  par  les  desers  de  la  Papaulte  ne  seront  point  espargnez  quand  ils  n'auront  chemine  droict,  ie  vous  prie,  que  sera-ce  de  nous  qui  sommes  nourris  comme  en  la  maison,  soubs  les  yeulx  de  nostre  Pere  celeste?  Les  uns  ont  abandonne  le  pais  de  leur  naissance  pour  se  ranger  yci  en  une  Eglise  Chrestienne;  les  autres  ont  eu  plus  de  privilege,  que  Dieu  les  est  venu  visiter  en  leur  nid:  maintenant,  si  ceulx  qui  sont  natifs  du  lieu  ne  recognoissent  un  tel  bien  pour  se  dedier  du  tout  a  Dieu,  lequel  s'est  ainsi  approche  d'eulx,  une  telle  ingratitude  demeurera-elle  impunie?  Plustost  qu'ils  dient:  Seigneur,  tu  as  basti  ton  Temple  et  dresse  ton  autel  au  milieu  de  nous:  fay  nous  doncques  la  grace  de  nous  purifier,  a  fin  que  nous  ne  souillions  point  par  nos  ordures  la  sainctete  de  tes  dons,  et  que  nous  ne  tournions  point  en  opprobre  la  gloire  de  tes  benefices.  Quant  a  ceulx  qui  sont  venus  de  loing,  qu'ils  advisent  de  se  gouverner  sainctement  comme  en  la  maison  de  Dieu.  Ils  pouvoyent  bien  vivre  ailleurs  en  desbauches,  et  ne  faloit  point  qu'ils  bougeassent  de  la  Papaulte  pour  mener  un  train  dissolu.  Et  de  faict,  il  y  en  a  aucuns  ausquels  il  vauldroit  mieux  s'estre  rompu  le  col,  que  d'avoir  iamais  mis  le  pied  en.  ceste  Eglise  pour  s'y  porter  si  mal.  Les  uns  s'adioingnent  aux  gaudisseurs  pour  les  endurcir  en  leur  malice;  les  autres  seront  gourmans  et  yrongnes,  les  autres  mutins  et  noiseux.  Il  y  a  des  mesnages  ou  les  maris  et  femmes  sont  comme  chiens  et  chats:  il  y  en  a  qui  haulsent  leurs  estas  et  contrefont  les  seigneurs  sans  propos,  sont  addonnez  a  pompes  et  superfluitez  mondaines.  Les  autres  deviennent  si  delicas  qu'ils  ne  scavent  plus  que  c'est  de  travailler,  et  n'y  a  nul  contentement  pour  la  nourriture.  Il  y  en  a  des  mesdisans  et  detracteurs,  qui  trouveroyent  a  redire  aux  Anges  de  Paradis;  et  d'autant  qu'ils  crevent  de  vices,  ils  mettent  toute  leur  sainctete  a  contreroler  leurs  prochains.  Cependant  il  leur  semble  a  tous  que  Dieu  est  bien  tenu  a  eulx  de  ce  qu'ils  ont  faict  le  voyage  de  Geneve,  comme  s'il  n'eust  pas  mieulx  valu  qu'ils  feussent  demeurez  sur  leur  fumier,  que  de  venir  faire  tels  scandales  en  l'Eglise  de  Dieu.  Or  s'il  y  a  eu  du  mal  par  ci  devant,  que  chascun  pense  a  se  reduire:  et  s'il  v  en  a  qui  soyent  du  tout  incorrigibles,  que  les  enfans  de  Dieu  se  munissent  de  ceste  doctrine,  a  fin  de  n'estre  point  infectez  par  leur  mauvaise  vie.  Il  nous  doibt  [f.  54]  bien  faire  mal  quand  nous  voyons  l'Eglise  de  Dieu  estre  ainsi  profanee.  Mais  puisqu'il  nous  fault  estre  comme  le  grain  parmi  la  paille,  prenons  patience  iusques  a  ce  que  Dieu  nous  27*