6:422  Pourtant,  le  plus  court,  c'est  de  les  laisser  tous  quatre  pour  telz  qu'ilz  sont.  Mais  encor,  quand  il  n'y  en  auroit  qu'un  seul,  si  voudroys  ie  bien  savoir  dont  il  est  venu:  car  les  histoires  anciennes,  ne  tous  les  autres  escritz,  n'en  font  nulle  mention.  Il  [page  35]  faut  donc  qu'ilz  ayent  este  forgez  de  nouveau.  Touchant  de  la  couronne  d'espines,  il  faut  dire  que  les  pieces  en  ont  este  replantees  pour  reverdir  :  autrement,  ie  ne  say  comment  elle  pourroit  estre  ainsi  augmentee.  Pour  un  item1)  il  y  en  a  la  troisiesme  portion  en  la  saincte  chapelle  de  Paris;  a  Rome,  en  l'eglise  saincte  Croix,  il  y  en  a  trois  espines;  et  en  l'eglise  sainct  Eustace  2)  de  Rome  mesmes,  quelque  quantite;  a,  Sene,  ie  ne  say  quantes  espines;  a  Vincence,  une  ;  a  Bourges,  cinq;  aBesanson,  en  l'eglise  de  sainct  Iehan,  troys;  a  Mont  royal,  troys;  a  sainct  Salvador  en  Hespaigne,  ie  ne  say  combien;  a  Sainct  Iaques,  en  G-alice,3)  deux;  a  Alby,  troys;  a  Thoulouse,  a  Mascon,  a  Charroux  en  Poictou,  a  Clery,  a  sainct  Elour,  a  sainct  Maximin  en  Provence,  en  Pabbaye  de  la  Salle,  en  l'eglise  parochialle  de  sainct  Martin  a  Noyon:  en  chascun  de  tous  ces  lieux,  il  y  en  a  une.4)  Quand  on  auroit  faict  diligente  inquisition,  on  en  pourroit  nommer  plus  de  quatre  foys  autant.  Necessairement  on  [page  36]  voit  qu'il  y  a  de  la  faulsete.  Quelle  fiance  donc  peut  on  avoir  ne  des  unes  ne  des  autres?  Avec  ce,  il  est  a  noter  qu'en  toute  l'eglise  ancienne,  iamais  on  ne  sceut  a  parler  que  ceste  couronne  estoit  devenue.  Parquoy  il  est  aise  de  conclurre  que  la  premiere  plante  a  commence  a  ietter  long  temps  apres  la  passion  de  nostre  Seigneur  Iesus  Christ.  Il  y  a  puis  apres  la  Robbe  de  pourpre,  de  laquelle  Pilate  vestit  nostre  Seigneur  par  derision,  d'autant  qu'il  s'estoit  appelle  Roy.  Or,  c'estoit  une  robbe  precieuse,  qui  n'estoit  pas  pour  ietter  a  l'abandon.  Et  n'est  pas  a  presumer  que  Pilate  ou  ses  gens  la  laissassent  perdre,  apres  s'estre  moque  pour  une  foys  de  nostre  Seigneur.5)  Ie  voudroys  bien  savoir  qui  a  este  le  marchant  qui  Tachepta  de  Pilate,  pour  la  garder  en  reliquaire.  Et  pour  mieux  colorer  leur  bourde,  ilz  monstrent  quelques  gouttes  de  sang  dessus,  comme  si  les  meschantz  eussent  voulu  gaster  une  robbe  royale,  en  la  mettant  par  risee  sur  les  espaules  de  Iesus  Christ.  Ie  ne  [page  37]  say  pas  s'il  y  en  a  quelqu'une  aussi  bien  ailleurs.  Mais  de  la  robbe  qui  estoit  tissue  de  haut  en  bas  1)  primum  G.  2)  1543:  saincte  Estace;  1544  saincte  Eustace;  Eustathii  G.  3)  Compostellae  G.  4)  pour  le  moins  une  1563  suiv.  5)  Seigneur  Iesus  1563  ss.  27*