20:422  roit  suggerer,  est  de  vous  faire  avoir  en  mespris  ung  tel  bien  ou  de  vous  en  distraire  par  quelque  occasion  ou  couleur  que  ce  soyt.  Ne  soions  point  plus  saiges  que  Dieu,  nous  faisant  acroire  qu'il  y  ayt  aultre  moien  de  proffiter  en  Jesuschrist  que  celuy  qu'il  a  ordonne,  et  principalement  quant  il  nous  faict  la  grace  que  nous  l'avons  a  la  main.  Car  je  confesse  bien  qu'il  saulve  beaucoup  de  ses  esleuz  en  la  dissipation  de  Babilonne,  combien  que  selon  les  hommes  et  en  apparence  visible  ilz  n'aient  ne  pasteur  ne  conduicte:  mais  c'est  d'une  facon  extraordinaire  et  miraculeuse,  et  ce  pendant  c'est  une  verge  de  son  ire  qu'ilz  sont  privez  de  la  predication  de  sa  parole.  Parquoy  recevons  le  bien  quant  il  nous  est  presente,  sachant  que  nous  ne  pouvons  autrement  respondre  a  la  vocation  de  Dieu.  Si  vous  avez  quelque  difficulte  quant  a  la  doctrine  ,  recourez  a  celuy  qui  vous  sera  ordonne  pour  pasteur.5)  Car  par  conference  amiable,  nous  parvenons  mieulx  en  bonne  resolution  de  ce  qui  nous  est  en  doubte.  Au  contraire  c'est  une  peste  merveilleusement  pernicieuse  que  ceste  presomption  qui  est  aujourdhuy  entre  beaucoup  de  gens,  de  s'arrester  a  ses  fantasies,  et  faire  conclusion  d'une  chose  devant  que  l'avoir  bien  entendue,  et  se  tenir  a  son  propre  sens,  sans  avoir  communication  avec  plus  scavant.  Je  scay  bien  qu'il  ne  nous  fault  estre  disciples  que  de  Jesuschrist  seul,  mais  souvienne  vous  qu'il  se  dict  maistre  des  humbles  et  des  petis,  et  que  ce  n'est  point  nous  soubmettre  a  sa  verite  que  d'estre  si  audacieulx  a  suivre  des  opinions  volaiges,  qu'il  n'y  ayt  nulle  bride  pour  nous  retenir.  Surtout,  mes  freres,  gardes  vous  que  Satan  ne  vous  desgouste  de  la  simplicite  de  l'evangile,  pour  vous  faire  decliner  a  des  curiositez  vaines.  Ce  que  Dieu  nous  enseigne,  et  ce  qu'il  veult  que  nous  aprenions  de  luy,  c'est  ce  qui  nous  peult  servir  en  edification,  a  scavoir  que  nous  soions  instruictz  a  le  craindre  et  l'aimer,  a  mettre  nostre  fiance  en  luy,  k  l'avoir  pour  nostre  refuge,  a  le  glorifier,  desdians  toute  nostre  vie  a  son  obeissance,  et  a  chercher  nostre  salut  en  la  seule  grace  de  Jesuschrist.  C'est  ce  que  dict  sainct  Paul  que  toute  l'escripture  est  utile  a  enseigner,  a  exhorter,  a  admonester,  et  rendre  l'homme  de  Dieu  parfaict  a  toutes  bonnes  oeuvres.  Parquoy  ceulx  qui  l'appliquent  a  des  subtilitez  inutiles,  abusent  meschamment  d'icelle  et  sont  sacrileges.  De  faict  nous  voions  comment  Dieu  s'en  venge  a  la  rigueur.  Gar  les  erreurs  et  heresies  tant  enormes  qui  regnent  au  iourdhuy  au  monde,  sont  sorties  de  ceste  fontaine.  Beaucoup  d'espritz  legers  et  vagabons  se  sont  plus  tost  adonnez  a  des  questions  subtilles,  qu'a  solide  doctrine  et  proffitable,  et  n'ont  cherche  autre  chose  en  l'escripture,  que  5)  Bone  ils  n'en  avaient  pas  encore.  27  ��