8:421  421  III.  D'ESTRE  EN  L'EGLISE.  422  et  loing  de  Dieu.  De  ceulx  mesme  qui  ont  abandonne  leur  pais  pour  venir  yci  servir  a  Dieu,  il  y  en  a  qui  s'y  portent  assez  laschement.  Qu'est-il  doncques  de  faire?  Puis  que  Dieu  se  monstre  a  nous,  contentions  sa  beaute;  mais  il  ne  fault  pas  laisser  derriere  la  facon  de  la  bien  contempler:  c'est  que  nous  soyons  ravis  en  l'amour  d'icelle,  et  transformez  en  sa  semblance,  comme  dit  sainct  Paul  (2.  Cor.  3,  18).  Et  pour  ce  faire,  il  nous  convient  estre  attentifs,  plus  que  nous  ne  sommes  ne  que  nous  n'avons  accoustume  d'estre,  a  considerer  ce  que  Dieu  [f.  52]  nous  propose  en  son  Temple.  Oar  qui  est  cause  que  nous  rapportons  si  peu  de  fruict  des  sermons  et  des  Sacremens,  sinon  que  nous  n'applicquons  guere  nostre  estude  a  ce  qui  s'y  dit  et  s'y  faict?  Ainsi  nous  avons  les  oreilles  batues,  et  les  cueurs  nullement  touchez.  Encor  y  en  a-il  beaucoup  qui  n'entendent  de  tout  un  sermon  que  quelque  mot  en  passant,  voire  a  demi.  Parquoy  ce  n'est  pas  sans  cause  que  David  parle  de  visiter  attentivement  le  Temple  du  Seigneur.  Et  de  faict,  les  grans  thresors  de  la  sagessje  de  Dieu,  qui  nous  y  sont  proposez  meritent  bien  qu'on  s'arreste  songneusement  a  les  regarder.  Or  comme  i'ay  desia  touche,  Dieu  ne  veult  point  qu'on  les  regarde  pour  s'en  retourner  vuide.  Scachons  donc  que  la  doctrine  a  proufite  en  nous,  quand  nous  sommes  deuement  reformez  pour  servir  a  Dieu;  et  c'est  ce  qu'entend  David  au  Pseaulme  84,  que  nous  avons  allegue  par  ci  devant:  Que  ceulx  qui  habitent  en  la  maison  de  Dieu  le  loueront.  A  quel  propos  doncques  nous  assemblons-nous?  Pourquoy  est-ce  que  l'Evangile  nous  est  presche?  Pourquoy  avons-nous  le  Baptesme  et  la  Cene,  sinon  a  fin  que  Dieu  soit  magnifie  en  nous?  Or  ceste  louange  ne  gist  pas  seulement  au  bout  de  la  langue,  mais  elle  s'estend  par  toute  la  vie.  Pourtant  il  est  dict  en  l'autre  passage  (Pseaulme  26,  6):  Ie  laveray  mes  mains  en  integrite,  Seigneur,  puis  i'entreray  a  ton  autel.  Nous  voyons  maintenant  quel  est  le  vray  usage  de  tout  l'ordre  de  l'Eglise;  c'est  que  nous  servions  purement  a  Dieu.  Du  temps  de  la  Loy,  ceulx  qui  venoyent  adorer  au  Temple,  et  les  Sacrificateurs  y  entrans  pour  faire  leur  office,  se  lavoyent.  Ceste  ceremonie  est  passee,  mais  nous  en  debvons  retenir  la  verite.  C'est,  d'autant  que  nous  avons  les  moyens  pour  nous  induire  au  service  de  Dieu,  nous  debvons  cheminer  en  plus  grande  integrite  que  les  autres:  car  selon  que  Dieu  nous  donne  les  aides,  tant  moins  y  a-il  d'excuses  pour  nous,  si  nous  ne  les  faisons  valoir.  Si  nous  chopons,  ce  n'est  point  par  faulte  que  nous  ne  voyons  les  chemins  devant  nos  pieds.  S'il  nous  advient  de  nous  escarter,  ce  n'est  point  par  faulte  que  Dieu  ne  nous  esclaire  tant  et  plus.  Si  nous  oublions  a  faire  nostre  debvoir,  ce  n'est  point  par  faulte  d'estre  solicitez.