6:421  TRAICTE  DES  RELIQUES.  Encores  y  a  il  plus  grand  combat  des  cloux.  Ie  reciteray  ceux  qui  sont  venuz  a,  ma  notice.  Sur  cela,  il  n'y  aura  si  petit  enfant  qui  ne  iuge  que  le  Diable  s'est  par  trop  moque  du  monde,  en  luy  ostant  sens  et  raison,  pour  ne  pouvoir  rien  discerner  en  cest  endroit.  Si  les  anciens  escrivains  disent  vray,  et  nommeement  Theodorite,  histoirien  de  l'Eglise  ancienne,1)  Heleine  en  feit  enclaver  un  au  heaume  de  son  silz;  des  deux  autres,  elle  les  mist  au  mors  de  son  cheval.  Combien  que  sainct  Ambroyse  ne  dit  pas  du  tout  ainsi;  car  il  dit  que  l'un  fut  mis  a  ia  couronne  de  Constantin;  de  l'autre,  le  mors  de  son  cheval  en  fut  [p&ge  33J  faict;  le  troisiesme,  que  Heleine  le  garda.  Nous  voyons  qu'il  y  a  desia  plus  de  douze  cens  ans  que  cela  estoit  en  different,  qu'est-ce  que  les  cloux  estoient  devenuz.  Quelle  certitude  en  peut  on  donc  avoir  a  present?  Or,  a  Milan,  ilz  se  vantent  d'avoir  celuy  qui  fut  pose  au  mors  du  cheval  de  Constantin.  A  quoy  la  ville  de  Carpentras  s'oppose,  disant  que  c'est  elle  qui  l'a.  Or,  sainct  Ambroise  ne  dit  pas  que  le  clou  fut  attache  au  mors,  mais  que  le  mors  en  fut  faict.  Laquelle  chose  ne  se  peut  nullement  accorder  avec  ce  que  disent  tant  ceux  de  Milan  que  ceux  de  Carpentras.  Apres,  il  y  en  a  un  a  Rome,  a  saincte  Heleine;  un  autre  la  mesme,  en  l'eglise  saincte  Croix;  un  autre  a  Sene,  un  autre  a  Venise;  en  Alemaigne,  deux:  un  aCouiogne,  aux  troys  Maries,  l'autre  a  Triers.  En  France,  un  a  la  saincte  chappelle  de  Paris:  l'autre  aux  Carmes;  un  autre  a  sainct  Denis  en  France;  un  a  Bourges;  un  a>  la  Tenaille;2)  un  a  Draguignan.  En  voyla  quatorze  de  compte  faict.  Chascun  lieu  allegue  bonne  approbation  [page  34]  en  son  endroit,  ce  luy  semble.  Tant  y  a  que  chascun  a  aussi  bon  droit  que  les  autres.  Pourtant,  il  n'y  a  meilleur  moyen  que  de  les  faire  passer  tous  soubz  un  fidelium:3)  c'est  de  reputer  que  tout  ce  qu'on  en  dit  n'est  que  mensonge,  puis  que  autrement  on  n'en  peut  venir  a  bout.  S'ensuit  le  fer  de  la  lance,  qui  ne  pouvoit  estre  qu'un;  mais  il  faut  dire  que  il  est  passe  par  les  fourneaux  de  quelque  alchumiste:  car  il  s'est  multiplye  en  quatre,  sans  ceux  qui  peuvent  estre  ca  et  la,  dont  ie  n'ay  point  ouy  parler.  Il  y  en  a  un  a  Rome,  l'autre  a  la  saincte  chappelle  de  Paris,  le  troisiesme  en  l'abbaye  de  la  Tenaille,  en  sainct  Onge;4)  le  quatriesme  a  la  Selve,  pres  de  Bordeaux.  Lequel  est-ce  qu'on  choisira  maintenant  pour  vray?  1)  Au  second  livre  de  l'histoire  tripartite.  2)  in  Abbatia  cui  a  forficibus  est  nomen  G.  3)  Itaque  nihil  expeditius  quam  eandem  de  omnibus  ferri  sententiam  ￡r.  4)  Toutes  les  editions  anciennes  ecrivent  ainsi.  Gallasius  traduit:  apud  Xantones,  ce  qu'offrent  aussi  les  editions  francaises  plus  recentes.