54:421  421  SUR  L'EPITRE  A  TITE.  422*  bien  trouver  gens  qui  serviront  a  Dieu,  et  n'auront  point  de  tache  en  leur  vie,  qu'on  leur  puisse  reprocher,  Tu  es  un  larron,  ou  un  paillard,  ou  un  yvrongne,  ou  un  blasphemateur,  ou  choses  semblables.  Il  y  pourra  donc  avoir  des  infirmitez,  comme  il  se  en  trouvera  en  tous  hommes.  Mais  cependant  il  n'y  a  point  de  tache  qui  empesche  que  celuy  qui  Bera  appele  a  cest  estat,  ne  serve  loyaument  a  Dieu,  qu'il  n'ait  authorite  de  reprendre  et  redarguer  les  vices.  Voila  ce  que  sainct  Paul  a  entendu  en  ce  passage.  Or  ce  n'est  point  sans  cause  qu'il  veut  qu'il  n'y  ait  point  de  tache  sur  ceux  qui  preschent  la  parole  de  Dieu.  Car  que  sera-ce  quand  un  homme  sera  entache  de  quelque  vice  notable  pour  le  rendre  infame?  Pourra-il  ouvrir  la  bouche  pour  redarguer  les  delinquans?  Il  n'y  aura  nulle  liberte.  Oar  (comme  dit  sainct  Paul  en  l'autre  passage)  il  faut  que  nous  soyons  de  bonne  conscience  et  pure  pour  anoncer  la  verite,  et  enseigner  librement  et  sans  contradiction.  C'est  donc  la  fin  ou  il  nous  faut  rapporter  ce  que  dit  sainct  Paul,  ascavoir  que  la  parole  de  Dieu  ne  soit  point  amoindrie  par  la  faute  de  celuy  qui  la  porte,  et  qu'on  ne  dise  pas,  Et  qui  est  cestuy-la?  Il  est  vray  qu'il  parle  bien  quand  il  est  en  chaire:  mais  un  menestrier  en  fera  bien  autant,  et  celuy  qui  ioue  une  farce  pourra  bien  respondre  a  son  personnage  :  mais  ce  n'est  que  badiner  cependant.  Voila  comme  la  parole  de  Dieu  seroit  en  mespris.  Quand  un  homme  ne  monstrera  point  en  sa  vie  que  c'est  a  bon  escient  qu'il  parle,  afin  d'eviter  un  tel  sacrilege,  ascavoir  que  la  parole  de  Dieu  soit  foullee  au  pied  entre  nous,  que  celuy  qui  est  ministre  pour  l'anoncer,  soit  pur  de  tout  crime,  dit  sainct  Paul.  Or  il  est  vray  que  les  serviteurs  de  Dieu  ne  seront  iamais  sans  blasme:  comme  ii  dit  mesmes  qu'il  a  falu  qu'il  ait  chemine  par  infamie  et  opprobre.  Il  est  vray  que  sainct  Paul  en  toute  sa  vie  s'estoit  porte  si  vertueusement  qu'il  n'y  avoit  que  redire  en  luy,  voire  devant  que  venir  a  la  foy  de  Iesus  Christ:  tellement  qu'il  vivoit  sans  reproche,  qu'il  estoit  un  miroir  et  une  perle  de  toute  sainctete.  Vray  est  qu'il  ne  scavoit  qu'il  faisoit,  car  il  n'estoit  point  encores  gouverne  par  l'Esprit  de  Dieu:  mais  il  avoit  une  vie  si  honeste,  qu'on  ne  luy  eust  sceu  rien  reprocher.  Et  cependant  il  dit  qu'il  a  este  monstre  au  doigt,  qu'on  s'est  mocque  de  luy,  qu'il  a  este  en  opprobre,  Toire  mesmes  il  a  este  accuse  entre  les  fideles,  qu'il  y  a  eu  une  telle  ingratitude,  qu'en  son  absence  on  l'a  blasme,  on  l'a  charge  de  beaucoup  de  calomnies.  Ainsi  en  est-il  des  serviteurs  de  Dieu.  Mais  quand  sainct  Paul  requiert  qu'ils  soyent  sans  crime,  il  veut  qu'on  s'enquiere,  et  qu'on  regarde  bien  si  la  vie  d'un  homme  sera  pure,  et  sans  blasme,  et  qu'il  continue  a  se  porter  ainsi.  Combien  donc  que