52:421  421  CAPUT  II.  422  ergo  doctorem  esse  exemplar,  cui  se  discipuli  conforment.  Quae  sequuntur,  propter  obscurum  orationis  complexum  ambigua  sunt.  Ponit  enim  in  d  o  c  t  r  i  n  a  ,  mox  subiicit  in  accusativo  casu,  integ  r  i  t  a  t  e  m  ,  g  r  a  v  i  t  a  t  e  m  ,  ete.  Omissis  aliorum  interpretationibus,  afferam  quod  mihi  videtur  maxime  probabile.  Primum  haec  verba  simul  connecto,  bonorum  operum  in  doctrina.  Nam  quum  iusserit  bonorum  operum  studium  docendo  urgeri:  vult  bona  opera,  quae  huic  doctrinae  respondeant,  spectari  in  eius  vita.  Proinde  particula  in  convenientiam  denotat.  Iam  quae  sequuntur,  nihil  habent  obscuritatis.  Nam  ut  doctrinae  suae  typum  in  moribus  referat,  integrum  et  gravem  esse  iubet.  Sanus  sermo  ad  communem  vitam  (meo  iudicio)  et  privata  colloquia  refertur.  Absurdum  enim  foret,  de  publica  doctrina  interpretari:  quum  tantum  velit  Titum  in  factis  et  dictis  congruentem  habere  vitam  suae  praedicationi.  Quare  sermones  eius  puros  esse  iubet  ac  remotos  ab  omni  corruptela.  Irreprehens  i  b  i  l  i  s  tam  ad  sermonem  quam  ad  personam  Titi  aptari  potest.  Hoc  posterius  magis  amplector:  ut  reliqui  accusativi  (quod  syntaxis  graeca  facile  patitur)  inde  pendeant,  hoc  sensu:  Nempe  ut  te  irreprehensibilem  praebeas  gravitate,  integritate,  sanis  sermonibus.  8.  Ut  adversarius.  Tametsi  alii  fines  spectandi  sunt  homini  christiano  :  non  tamen  hic  negligi  debet,  ut  impiis  os  obstruatur:  sicuti  passim  admonemur  non  esse  illis  dandam  occasionem  maledicendi.  Quaecunque  enim  probra  in  nostris  moribus  possunt  arripere,  ea  in  Christum  eiusque  doctrinam  torquent.  Ita  fit  ut  nostra  culpa  contumeliae  subiaceat  sacrum  Dei  nomen.  Proinde  quo  nos  acrius  videmus  ab  hostibus  observari,  eo  magis  intenti  simus  ad  cavendas  eorum  calumnias:  atque  ita  eorum  malignitas  studium  bene  agendi  in  nobis  acuat.9  .  Servos.  Iam  dictum  est  Paulum  breviter  duntaxat  quaedam  attingere  exempli  causa:  non  autem  res  totas  explicare,  quemadmodum  si  eas  ex  professo  tractandas  susciperet.  Itaque  dum  servos  iubet  dominis  p  l  a  c  e  r  e  per  omnia,  hoc  placendi  studium  ad  ea  restringi  debet  quae  recta  sunt:  idque  ex  aliis  similibus  locis,  ubi  nominatim  additur  exceptio,  ne  quid  nisi  secundum  Deum.  Observare  autem  licet,  praecipue  hic  apostolum  insistere,  ut  qui  sub  aliorum  potestate  sunt,  morigeri  sint  ac  obsequentes.  Quod  non  abs  re  facit.  Nihil  enim  humano  ingenio  magis  adversum  subiectione:  et  periculum  erat  ne  evangelii  praetextu  magis  praefracti  redderentur,  quia  indignum  putarent,  se  subiacere  impiorum  imperio.  Quo  plus  studii  et  diligentiae  adhibendum  fuit  pastoribus,  ad  contumaciam  hanc  vel  frangendam,  vel  reprimendam.  Caeterum  duo  servilia  vitia  perstringit:  tergiversandi  proter-