20:421  421  SUPPLEMENTUM.  422  enclins  de  vous  accommoder  l'ung  a  l'autre,  de  vous  escouter  patiemment,  d'obeir  plustost  a  bon  conseil,  que  d'appeter  d'estre  sages  et  bien  advisez  en  vous  mesmes,  d'user  en  toutes  choses  de  communication  fraternelle.  Car  en  ce  faisant  vous  sentirez  que  l'esprit  de  Dieu  habitera  au  milieu  de  vous,  et  vous  sera  condeucteur  en  tous  voz  affaires.  Et  que  tousiours  il  vous  souvienne  qu'ambition  est  la  mere  d'envye,  et  que  d'envye  procedent  rancunes,  detractions  et  telles  choses,  et  que  finallement  le  feu  s'enflambe  pour  esmouvoir  contentions  et  debatz  qui  ne  se  peuvent  pas  apaiser,  quant  une  fois  ils  sont  esmeuz.  Le3)  principal  moien  de  vivre  bien  unis  en��  semble,  tant  en  doctrine  comme  en  tout  le  reste,  est  destre  diligens  a  frequenter  les  sermons  d'un  bon  accord,  car  comme  en  la  guerre  tous  se  retirent  a  l'enseigne,  pour  s'asister  4)  et  tenir  bon  contre  les  ennemis,  aussi  nostre  Seigneur  a  voulu  que  sa  parole  nous  fust  ung  enseigne  soubz  laquelle  nous  convenions.  Autrement  il  fault  que  nous  soions  povrement  dissipez.  Vous  scavez  que  si  les  brebis  sont  esgarees  qu'elles  sont  toutes  exposees  au  danger  des  loups,  et  qu'il  n'y  a  autre  remede  pour  les  tenir  a  seurete,  que  quand  elles  sont  recuellies  au  troupeau  soubz  la  main  du  pasteur.  Il  est  vray  que  nous  sommes  tous  soubz  ung  mesme  pasteur,  Jesuschrist,  lequel  nous  a  pris  en  sa  charge:  mais  nous  scavons  aussi  qu'il  a  commis  les  ministres  de  sa  parole  pour  exercer  son  office,  et  a  establi  cest  ordre  pour  la  conservation  de  son  eglise,  comme  sainct  Paul  le  montre  au  4me  des  Ephesiens.  Estimes  doncques  que  nostre  Seigneur  vous  a  faict  une  singuliere  grace,  de  vous  donner  ceste  commodite  que  vous  aies  sa  parole  qui  vous  soit  prechee.  Et  pourtant  gardez  vous  de  la  mespriser  et  d'estre  nonchalans  a  en  user,  car  une  telle  ingratitude  ne  demeureroit  point  impunie.  Nous  voions  en  quelle  estime  ce  bon  prophete  David  a  eu  les  congregations  sainctes  en  son  temps,  tellement  qu'il  luy  faisoit  plus  mal  d'estre  banv  d'icelles,  que  d'estre  chasse  de  son  pais,  prive  de  femme  et  de  ses  biens.  Et  a.  bon  droit,  car  nous  ne  pouvons  assez  reputer  le  prouffit  qui  nous  provient  de  ceste  police,  quant  HOUS  avons  le  moien  de  convenir  ensemble  pour  estre  instruictz  d'une  mesme  doctrine,  pour  invoquer  le  nom  de  Dieu  d'un  cueur  et  d'une  bouche,  pour  nous  confermer  en  l'usaige  de  ses  sacremens,  pour  faire  protestation  de  nostre  Chrestiente  devant  les  Anges  et  devant  les  hommes.  Brief  c'est  ung  exercice  plus  que  necessaire,  parquoy  la  plus  grande  tentation  et  la  plus  perilleuse  que  Satan  vous  pour-  3)  Trms  lignes  autographes  jusqu'au  mot.  accord.  4)  resister  BU