9:420  speculationibus  deditum:  qui  domo  sua  profugus,  in  quoddam  latibulum  se  abdiderat,  ubi  petulantius  quam  unquam  bacchari  coepit,  sed  apud  capras  et  boves,  quia  locus  fere  desertus  erat.  Nunc  quomodo  Lugduni  deprehensus  fuerit,  nec  scimus,  nec  curae  nobis  est.  Tantum  viderint  praeposteri  malae  et  detestabilis  causae  patroni  qua  fronte  excusent  eum  quem  instar  prophetae  commendant:  dum  tot  scelerum  dedecore  foedatus  doctrinae  suae,  qualiscunque  sit,  fidem  satis  superque  abrogat.  Sed  quid  frontis  requiro  a  crassis  Dei  contemptoribus  qui  in  reprobum  sensum  traditi  omni  honesti  respectu  prorsus  excusso  per  fas  et  nefas  praecipites  ruunt?  Caeterum  quamvis  in  lateribus  lavandis1)  perdatur  opera,  quisquis  tamen  mediocri  sensu  praeditus  erit,  cognoscet  eos  scientes  et  volentes,  tanquam  Satanae  mancipia,  operam  suam  fovendis  errorum  monstris  addicere.2)  1)  a  faire  des  cailloux.  2)  Nunc  quomodo  .  .  .  addicere.  Pro  his  Beza  scripsit:  Inde  quomodo  a  D.  Gayensi  praefecto  in  carcerem  coniectus,  simulata  rursum  probitate  evaserit,  et  mox  Lugdunum  se  proripiens,  blasphemum  illum  adversus  Athanasii  symbolum  libellum  ediderit:  postea  quomodo  ibidem  captus,  odio  iu  Calvinum  fuerit  dimissus,  caeteraque  eiusmodi,  alius  dabitur  narrandi  locus.  LAUS  DEO.