8:420  au  nom  de  Iesus  Christ  quelque  part  qu'ils  soyent,  et  dresser  quelque  forme  d'Eglise,  tant  en  leurs  maisons  qu'en  celles  de  leurs  voisins,  pour  faire  en  leur  endroit  ce  que  nous  faisons  yci  en  nos  temples!  Mais  quoy?  En  ne  daignant  user  des  moyens  que  Dieu  leur  donne,  ils  veulent  estre  sauvez.  C'est  donc  autant  comme  s'ils  demandoyent  s'ils  ne  peuvent  pas  arriver  a  port  en  tirant  tout  au  rebours,  et  s'ils  ne  peuvent  pas,  en  tentant  Dieu,  iouir  de  sa  grace.  Or  qu'ils  se  facent  grans  et  robustes  tant  qu'ils  vouldront  pour  se  rompre  l&  col,  mais  que  tous  fideles  se  gardent  bien  d&  s'eslever  avec  eulx;  et  quiconque  n'ha  le  moyen  d'estre  en  Eglise  Chrestienne,  la  ou  Dieu  soit  purement  adore,  pour  le  moins  qu'il  gemisse  nuict  et  iour:  Tes  autels,  Seigneur,  il  n'y  a  que  tes  autels  que  ie  desire,  mon  Dieu,  mon  Roy  i  Et  que  ce  feu  demeure  tousiours  allume  en  tous  bons  cueurs,  a  fin  que,  pour  chose  qui  vienne,  ils  ne  se  faschent  d'estre  ainsi  [f.  51]  transis,  et  que  la  longueur  du  temps  ne  les  refroidisse  point,  qu'ils  ne  pourchassent  tousiours  d'estre  amenez  au  troupeau.  D'avantage,  que  chascun  pense  bien  a  soy  pour  se  retirer  hastivement  a  l'enseigne,  si  tost  que  nostre  Seigneur  luy  en  donnera  les  moyens:  car  voyla  comment  on  doibt  monstrer  qu'on  n'a  point  faict  en  feinctise  ceste  requeste  d'habiter  en  la  maison  de  Dieu.  Il  reste  maintenant  pour  la  fin,  de  bien  noter  ce  que  David  adiouste,  c'est:  Qu'il  verra  la  beaute  du  Seigneur  et  considerera  son  Temple.  Car  ce  n'est  pas  tout  de  s'exercer  avec  les  fideles  en  tout  l'ordre  exterieur  de  l'Eglise,  si  nous  ne  tendons  a  celle  fin  de  cognoistre  Dieu  de  mieulx  en  mieulx.  Il  y  a  deux  choses  yci  requises:  l'une  est  que  nous  soyons  diligens  a  frequenter  les  sermons  et  les  prieres  publiques:  la  seconde,  que  nous  scachions  pourquoy;  car  beaucoup  y  viennent  avec  une  sotte  devotion,  cuidans  s'estre  bien  acquictez  d'avoir  faict  leurs  monstres  au  temple.  Prenons  donc  garde  a  nous,  mes  freres,  car  il  y  a  danger  que  la  plus  part  ne  se  trouvent  condamnez  en  l'un  ou  en  l'autre.  Combien  y  en  a-il  qui  fuyent  les  sermons,  et  seroyent  bien  aises  de  n'en  ouir  iamais  parler?  mais  ie  laisse  la  ceulx  qui  se  monstrent  pleinement  contempteurs  de  Dieu.  Seulement  ie  parle  du  mespris  ou  nonchaloir  qui  est  en  beaucoup,  lesquels  ne  s'adviseroyent  iamais  de  venir  au  sermon,  s'il  n'estoit  Dimanche;  et  encores  n'est-ce  que  par  acquict,  comme  s'ils  faisoyent  quelque  corvee  a  Dieu.  La  cloche  sonnera  bien  tous  les  iours,  mais  ce  leur  est  assez  de  comparoistre  au  bout  de  la  huictaine.  Le  Dimanche  on  les  appelle  quatre  fois,  mais  c'est  bien  venu  s'ils  s'y  trouvent  une  seule  fois,  car  il  y  en  a  assez  qui  se  dispensent  pour  seulement  venir  a  quinzaine.  Brief,  la  plus  grande  multitude  practique  le  proverbe  ancien,  d'estre  pres  du  moustier