6:420  a  si  petite  ville  ou  il  n'y  en  ayt,  non  seulement  en  l'eglise  cathedralle,  mais  en  quelques  paroisses.  Pareillement,  il  n'y  a  si  mechante  abbaye  ou  on  n'en  monstre.  Et  en  quelques  lieux,  ii  j  en  a  de  bien  gros  esclatz  :  comme  a  la  saincte  chappelle  de  Paris,  et  a  Poytiers  et  a  Rome,  ou  il  y  en  a  un  crucifix  asses  grand  qui  en  est  faict,  comme  l'on  dit.  Brief,  si  on  vouloit  ramasser  tout  ce  qui  s'en  est  [page  30]  trouve,  il  y  en  auroit  la  charge  d'un  bon  grand  batcau.  L'Evangile  testifie  que  la  croix  pouvoit  estre  portee  d'un  homme.  Quelle  audace  donc  a  ce  este  de  remplir  la  terre  de  pieces  de  boys  en  telle,  quantite  que  troys  cens  hommes  ne  le  sauroyent  porter?  Et  de  faict,  ilz  ont  forge  ceste  excuse  que,  quelque  chose  qu'on  en  couppe,  iamais  elle  n'en  decroist.  Mais  c'est  une  bourde  si  sotte  et  lourde,  que  mesme  les  superstitieux  la  congnoissent.  Ie  laisse  donc  a  penser  quelle  certitude  on  peut  avoir  de  toutes  les  vrayes  croix  qu'on  adore  ca  et  la.  Ie  laisse  a  dire  dont  c'est  que  sont  venues  certaines  pieces,  et  par  quel  moyen.  Comme  les  uns  disent  que  ce  qu'ilz  en  ont  leur  a  este  porte  par  les  Anges;  les  autres,  qu'il  leur  est  tombe  du  ciel.  Ceux  de  Poytiers  racomptent  que  ce  qu'ilz  en  ont  fut  apporte  par  une  damoyselle  d'IIeleme,  laquelle  l'avoit  desrobe;  et  comme  elle  s'en  fuyoit,  se  trouva  esgaree  aupres  de  Poytou.  Ilz  adioustent  a  la  fable,  qu'elle  estoit  boyteuse.  Voila  [page  31]  les  beaux  fondemens  qu'ilz  ont  pour  persuader  le  pouvre  peuple  a  idolatrer.  Car  ilz  n'ont  pas  este  contens  de  seduire  et  abuser  les  simples  en  monstrant  du  boys  commun  au  lieu  du  boys  de  la  croix;  mais  ilz  ont  resolu  qu'il  le  faloit  adorer,  qui  est  une  doctrine  diabolique.  Efc  sainct  Ambroise  nommement  la  reprouve,  comme  superstition  de  Payens.  Apres  la  croix  s'ensuit  le  tiltre,  que  fit  mettre  Pilate,  ou  il  avoit  escrit:  Iesus  Nazarien,  Roy  des  Iuifz.  Mais  il  faudroit  savoir  et  le  lieu,  et  le  temps,  et  comment  c'est  qu'on  Ta  trouve.  Quelcun  me  dira  que  Socrates,  historien  de  l'Eglise,  en  faict  memoire.  Ie  le  confesse.  Mais  il  ne  dit  point  qu'il  est  devenu.  Ainsi,  ce  tesmoignage  n'est  pas  de  grand  valeur.  D'avantage,  ce  fut  une  escriture  faicte  a  la  haste,  et  sur  le  champ  apres  que  Iesus  Christ  fut  crucifie.  Pourtant  de  monstrer  un  tableau  curieusement  faict,  comme  pour  tenir  en  monstre,  il  n'y  a  nul  propos.  Ainsi,  quand  il  n'y  en  auroit  qu'un  seul,  on  le  pourroit  [page  32]  tenir  pour  une  faulsete  et  fiction.  Mais  quand  la  ville  de  Thoulouse  se  vante  de  l'avoir,  et  ceux  de  Rome  y  contredisent,  le  monstrant  en  l'eglise  de  saincte  Croix,  ilz  dementent  l'un  l'autre.  Qu'ilz  se  combatent  donc  tant  qu'ilz  voudront:  en  la  fin,  toutes  les  deux  parties  seront  convaincues  de  mensonge,  quand  on  voudra  examiner  ce  qui  en  est.