54:420  Dieu.  Voila  pourquoy  sainct  Paul  veut  qu'on  establisse  des  Anciens,  ou  des  Prestres,  qui  ayent  la  charge  de  tousiours  mener  le  peuple  a  Dicfu,  et  le  tenir  sous  son  obeissance.  Non  pas  des  Prestres  tels  qu'on  a  imagine  en  la  Papaute:  car  ceste  prestrise-la  est  une  infection  pleine  de  sacrilege,  qu'il  n'est  question  la  que  de  renverser  tout  ordre:  mais  ce  se  sont  des  Prestres  chrestiens,  qui  ont  la  charge  d'anoncer  l'Evangile,  et  non  point  pour  sacrifier  Iesus  Christ,  comme  ces  diables  usurpent  ceste  authorite-la,  disans  qu'ils  peuvent  offrir  Iesus  Christ  a  Dieu  son  Pere.  Or  cela  n'a  rien  de  commun  avec  la  Prestrise  qui  nous  est  ici  mise  en  avant:  car  sainct  Paul  monstrera  puis  apres,  que  les  Prestres  dont  il  parle,  sont  les  Ministres,  et  les  Pasteurs  d'Eglise.  Mais  cela  sera  traitte  encores  plus  amplement  en  son  lieu:  il  suffit  pour  le  present  de  noter  que  si  nous  desirons  que  l'Eglise  de  Dieu  soit  en  son  entier,  qu'il  nous  faut  avoir  gens  qui  nous  anoncent  sa  Parole,  et  non  pas  ceux  qui  voudroyent  abolir  tout  ordre  pour  leur  ambition,  qu'ils  voudroyent  avoir  coupe  la  gorge  a  un  homme:  car  il  n'y  a  nulle  autre  vie  devant  Dieu,  sinon  celle  que  nous  avons  par  la  foy,  ainsi  que  nous  avons  declare  ce  matin.  Et  pourtant  insistons  la  dessus,  et  demandons  quand  Dieu  nous  envoye  sa  Parole,  qu'il  nous  suscite  quant  et  quant  des  hommes  lesquels  nous  en  soyent  vrais  ministres.  Or  maintenant  sainct  Paul  adiouste,  Lesquels  il  faut  choisir:  comme  il  use  de  ceste  preface  a  Timothee,  Que  celuy  qui  desire  d'estre  Evesque,  prend  une  charge  excellente,  que  cela  n'est  point  vulgaire,  qu'il  n'est  point  ici  question  de  se  iouer:  comme  il  dit  en  un  autre  lieu,  Que  celuy  qui  est  Pasteur  en  l'Eglise,  est  comme  maistre  d'hostel  en  la  maison  de  Dieu,  qu'il  a  le  gouvernement  des  ames.  Et  ainsi  il  ne  faut  point  qu'on  y  aille  a  la  volee,  et  que  le  premier  qui  viendra  soit  advance,  mais  qu'on  discerne  et  qu'on  choisisse  tellement,  que  nul  n'occupe  la  place  sinon  qu'il  soit  propre  pour  edifier  l'Eglise  de  Dieu,  et  pour  satisfaire  a  un  tel  office.  Suyvant  cela  il  est  dit,  que  ceux  qu'on  dira  doyvent  estre  sans  crime.  Or  par  ce  mot  (ainsi  qu'il  a  este  declare  en  l'Epistre  premiere  a  Timothee)  il  n'entend  pas  que  les  Pasteurs  soyent  du  tout  sans  vices,  car  il  seroit  impossible  d'en  trouver.  Les  Sacrificateurs  du  temps  de  la  Loy  estoyent  figure  de  nostre  Seigneur  Iesus  Christ,  entrans  au  sanctuaire  pour  moyenner  entre  Dieu  et  les  hommes,  ils  faisoyent  la  reconciliation  et  appointement:  et  toutesfois  si  est-ce  qu'en  premier  lieu  il  faloit  qu'ils  se  confessassent  povres  pecheurs,  et  l'estoyent  a  la  verite.  Ainsi  l'Eglise  seroit  pleinement  despouillee  de  docteurs,  s'il  faloit  en  cercher  qui  n'eussent  aucune  tache  ne  macule.  Mais  il  y  a  des  vices  d'infirmite,  il  y  a  des  vices  de  crime  aux  hommes.  On  pourra  419