52:420  sint  ac  maledicae,  nisi  de  omnibus  detrahant.  Ita  fit  ut  vetulae  saepenumero  calumniosa  sua  garrulitate,  quasi  face  ardenti,  multas  domos  inflamment.  Multae  etiam  bibulae  sunt:  quo  fit  ut  modestiae  et  gravitatis  oblitae  indecenter  proterviant.  Caeterum  quo  magis  attentae  sint  ad  officium,  docet,  non  satis  esse  si  honeste  sibi  vivant,  nisi  etiam  adul  e  s  c  e  n  t  u  l  a  s  institutis  suis  forment  ad  honestam  ac  pudicam  vitam.  Ideo  addit,  ut  suo  exemplo  iuniores  reddant  temperantes  et  graves:  quae  scilicet  alioqui  aetatis  fervore  exsultant.  4.  Ament  maritos.  Non  assentior  iis,  qui  praecepta  recenseri  putant,  quae  tradere  debeant  matronae  adulescentulis  :  nam  si  quis  contextum  diligenter  expendat,  facile  animadvertet  Paulum  officia  mulierum  persequi,  quae  senioribus  etiam  conveniunt.  Deinde  constructio  inepta  esset,  aoocppovcCcoat,  awcppovac  stvat.  Quamquam  dum  provectioribus  matronis  quales  esse  debeant  praescribit,  simul  iunioribus  proponit  quod  sequantur  exemplum.  Ita  promiscue  utrasque  docet.  In  summa,  vult  mulieres  amore  coniugali  et  liberorum  caritate  retineri,  ne  libidinosis  amoribus  se  occupent:  vult  sobrie  et  continenter  domum  suam  regere:  prohibet  in  publico  vagari:  castas  esse  iubet,  simul  tamen  modestas,  ut  subiectae  sint  virorum  imperio.  Nam  quae  aliis  virtutibus  pollent,  interdum  ferociendi  inde  occasionem  arripiunt  ut  maritis  parum  sint  morigerae.  Quod  autem  addit,  ne  sermo  Dei  male  audiat,  proprie  ad  mulieres  spectare  putant,  quae  iunctae  erant  viris  incredulis,  qui  ex  malis  uxorum  moribus  poterant  evangelium  aestimare.  Idque  videtur  Petri  verbis  confirmari,  prioris  epistolae  cap.  3,  1.  Verum  quid  si  non  de  solis  maritis  loquatur?  Et  certe  probabilius  est  talem  requiri  vitae  probitatem,  ne  suis  vitiis  evangelium  vulgo  infament.  Reliqua  petantur  ex  quinto  capite  prioris  epistolae  ad  Timotheum.  6.  Iuniores  similiter  hortare  ut  temperantes  sint:  7.  in  omnibus  te  ipsum  exhibens  exemplar  bonorum  operum  in  doctrina,  integritatem^  gravitatem^  8.  sermonem  sanum,  irreprehensibilem:  ut  adversarius  pudefiat,  nihil  habens  quod  de  vobis  obloquatur.  9.  Servos  ut  dominis  suis  subiecti  sint,  in  omnibus  placere  studentes,  non  responsatores,  10.  non  furaces,  sed  fidem  omnem  ostendentes  bonam:  ut  doctrinam  servatoris  nostri  Dei  ornent  in  omnibus.  6.  Iuniores.  Iuvenes  tantum  ad  temperantiam  institui  praecipit:  quia  haec  virtus  (ut  docet  Plato)  totam  hominis  mentem  sanat.  Ergo  perinde  est  ac  si  diceret,  bene  compositos  et  rationi  obtemperantes.  7.  Te  ipsum  exhibens.  Nam  parum  alioqui  autoritatis  habebit  doctrina,  nisi  in  vita  episcopi,  tanquam  in  speculo,  vis  eius  et  maiestas  eluceat.  Vult