20:420  constance  qu'il  vous  donne,  tellement  que  vous  ne  defailliez  point  en  la  persecution,  que  vous  portez  patiemment  la  perte  des  biens  terriens,  pensant  a  la  recompense  qui  est  au  ciel:  que  vous  ne  regrettez  point  la  diminution  qui  a  este  faicte  en  vous  quant  an  monde,  puis  que  ca  este  pour  augmenter  l'honneur  de  celluy  lequel  ne  demande  d'estre  honore  de  nous,  sinon  pour  nous  faire  participans  de  sa  gloire.  Veu  la  fragilite  qui  est  en  nous,  ce  n'est  pas  un  petit  bien  que  Dieu  nous  faict,  de  nous  confermer  ainsi  au  besoing,  et  nous  soustenir  affin  que  nous  ne  soions  point  vaincus  d'aulcune  tentation.  Or  pource  que  ce  n'est  rien  d'avoir  commence,  ne  mesme  poursuivy  pour  un  temps,  il  vous  fault  tenir  sur  voz  gardes,  veiller  diligemment,  vous  inciter  par  exhortations  mutuelles,  vous  exercer  en  tout  ce  qui  vous  peult  donner  bon  couraige,  mais  sur  tout  requerir  instamment  ce  bon  Dieu  qu'il  vous  tienne  tousiours  la  main,  pour  vous  conduire  iusqu'au  but  ou  il  nous  appelle.l)  Mesmes  il  vous  fault  penser,  puis  que  vous  avez  este  persecutez  pour  le  nom  de  Iesuschrist,  qu'il  vous  a  faict  cest  honneur  de  vous  donner  sa  marque  et  sa  livree,  afin  que  vous  soyez  d'aultant  mieulx  recongneuz  des  siens.  Et  pour  cela  vous  debvez  estre  incitez  a  mectre  tant  plus  grand  peine  a  le  glorifier  en  toute  vostre  vie,  car  vous  entendez  bien  que  si  on  ne  vous  voit  cheminer  comme  il  appartient  a  vrays  fidelles,  que  le  scandalle  en  sera  double,  et  en  serez  d'aultant  plus  coupables  devant  Dieu.  Que  vous  soiez  doncques  en  exemple  a  tous  les  aultres,  tellement  qu'on  ayt  occasion  de  glorifier  Dieu  en  vous,  et  quon  appercoive  que  ce  n'a  point  este2)  en  vain  que  vous  avez  souffert  pour  le  tesmongnage  de  lEvangille.  Que  vous  ne  faciez  point  ceste  honte  au  Filz  de  Dieu  nostre  redempteur  qu'il  soit  deshonore  par  voz  faultes,  et  mesmes  d'aultant  que  vous  estes  avec  une  nation  estrange,  laquelle  se  pourroit  plustost  offenser,  si  elle  voioit  quelques  vices  en  vous,  que  cela  vous  soit  ung  advertissement  de  cheminer  en  tant  plus  grande  prudence,  en  obviant  a  tous  scandalles  tant  petis  qu'ilz  soient.  Et  puis  que  sur  tout  nostre  Seigneur  nous  recommande  union  et  concorde,  mectez  peine  de  l'entretenir  songneusement  entre  vous,  ce  qui  ne  se  peult  faire  sans  vous  supporter.  Car  si  nous  ne  sommes  humains  a  pardonner  beaucoup  de  petites  faultes,  il  est  certain  que  nous  aurons  tousiours  matiere  de  riottes  et  de  picques.  Mais  le  plus  grand  mal  qui  y  soit,  c'est  quant  chascun  est  adonne  a  son  sens  propre,  et  que  nul  ne  veult  ceder  a  son  prochain.  Parquoy,  mes  freres,  gardez  vous  de  cela  comme  d'une  peste  mortelle.  Mais  plus  tost  soyez  4169.1)  Id  Calvin  remet  la  plume  a  son  secretaire.  2)  qu'on  n'apercoive  point  que  ce  n'a  pas  este  Bt