58:42  les  benit.  Mais  d'ou  vient  ceste  separation  et  ce  divorse?  De  misericorde.  Il  ne  faut  point  que  nous  allions  nous  enquerir  plus  outre:  mais  contentonsnous  de  ce  mot  seul,  pour  toute  raison.  Voila  donc  pourquoy  notamment  le  premier  nay  a  este  deboute  de  sa  place  :  et  cependant  Iacob  qui  estoit  inferieur,  a  este  mis  au  lieu,  voire  pour  demeurer  le  seul  heritier.  Quand  Malachie  le  Prophete  parle  de  ceci  (1,  2),  il  reproche  aux  Iuifs  leur  ingratitude.  Il  est  vray  que  cela  estoit  pour  le  signe  exterieur,  que  Dieu  avoit  esleu  Iacob  par  dessus  Esau,  d'autant  qu'il  lui  avoit  donne  la  terre  de  Chanaan  en  heritage,  et  qu'Esau  a  este  recule  loin  parmi  les  montaignes:  mais  ce  n'est  pas  la  sentence  ou  le  Prophete  s'arreste  :  il  regarde  a  une  chose  beaucoup  plus  haute.  Saint  Paul  aussi,  quand  il  use  de  son  tesmoignage,  voiant  que  Dieu  avoit  retire  a  soy  la  lignee  de  Iacob,  il  attribue  tout  cela  a  sa  pure  misericorde:  mais  le  Prophete  dit,  et  Esau  n'estoit-il  pas  frere  de  Iacob  ?  comme  s'il  disoit,  vous  estes  pleins  d'orgueil  et  de  fierte,  voire,  vous  en  crevez  :  et  ne  vous  couste  rien  de  dire,  O,  nous  sommes  la  lignee  sainte  et  sacree  d'Abraham:  nous  sommes  l'eglise,  nous  sommes  le  peuple  que  Dieu  a  benit  et  sanctifie.  Voire,  et  d'ou  vous  vient  cela,  dit-il?  Car  Esau  n'estoit-il  pas  frere  de  Iacob  ?  Vous  voiez  les  Idumeens  vos  freres  :  et  sont-ils  peuples  de  Dieu?  Vous  direz  qu'ils  sont  estrangers  de  l'eglise:  et  combien  qu'ils  aient  la  Circoncision,  toutefois  que  Dieu  les  a  deboutez.  Et  d'ou  vient  cela,  dit-il?  Qui  est-ce  qui  les  a  ainsi  separez  ?  Si  vous  venez  d'aage  en  aage  :  et  bien,  vous  trouverez  comme  vous  estes  enfans  de  Iacob,  et  Esau,  de  qui  estoit-il  enfant?  N'estoit-il  pas  procede  d'Abraham  et  d'Isaac  aussi  bien?  Or  la  dessus  il  ne  parle  point  tant  seulement  de  la  terre  de  Chanaan:  mais  il  passe  plus  outre,  et  dit  qu'il  a  aime  Iacob,  et  hay  Esau,  et  ceste  amour  qu'il  a  portee  a  Iacob,  d'ou  venoit  elle?  Il  est  certain  que  Iacob  ne  lui  pouvoit  estre  agreable  (comme  nous  avons  dit)  estant  considere  en  soy:  car  le  voila  enfant  d'ire,  et  n'apporte  du  ventre  de  sa  mere  que  ceste  malediction  horrible,  qui  a  este  iettee  sur  tout  le  genre  humain:  toutesfois  Dieu  l'aime.  Or  Dieu  n'aime  pas  l'iniquite,  il  hait  le  peche,  comme  nous  savons.  Comment  donc  aime-il  Iacob?  C'est  d'autant  qu'il  l'a  retire  de  la  perdition  en  laquelle  il  estoit.  Et  pourquoy  hait-il  Esau?  Or  il  est  vrai  qu'il  y  a  iuste  cause  pourquoy  Dieu  hait  tout  le  genre  humain  :  car  comme  nous  avons  dit,  il  n'y  a  en  nous  que  vice  et  iniquite  :  mais  encores,  quand  nous  passerons  plus  outre,  et  que  nous  demanderons  pourquoy  Dieu,  avant  qu'il  ait  cree  le  monde,  et  avant  la  cheute  d'Adam  pourquoy  c'est  qu'il  a  hai,  ou  aime?  La  il  nous  faut  tenir  cois  et  paisibles  :  il  ne  faut  point  ici  lever  les  cornes.  Car  que  gaignerons  nous,  quand  nous  voudrons  entrer  en  debat  et  question  avec