53:42  et  voila  une  peau  flestrie.  Ainsi  donc  S.  Paul  accompare  toutes  ces  belles  speculations  qu'auront  ces  glorieux  qui  se  Veulent  faire  valoir  sans  edifier  Eglise  de  Dieu,  a  des  vessies,  d'autant  qu'il  n'y  a  rien  (dit-il)  en  eux  que  pure  vanite,  ni  en  tout  leur  propos.  Tci  nous  avons  a  recueillir  double  instruction:  l'une,  c'est  que  nous  ne  soyons  point  si  malins  quand  Dieu  nous  fait  ce  bien  de  nous  guider,  de  tirer  a  l'esgaree  ca  et  la,  sans  scavoir  quel  est  nostre  but.  Il  est  vray  que  les  hommes  se  voudront  couvrir  d'ignorance  quand  ils  auront  failli:  mais  nous  avons  desia  monstre  que  si  nous  souffrons  d'estre  enseignez  de  Dieu,  nous  soumettans  avec  toute  humilite  a  la  doctrine  de  la  Loy,  que  nous  trouverons  le  chemin  tout  certain,  et  qu'il  nous  tendra  la  main,  en  sorte  que  nous  ne  pourrons  faillir.  Mais  quant  et  quant  tendons  au  but  qui  nous  est  ici  propose:  et  la  dessus  que  nous  tenions  aussi  pour  un  poinct  resolu,  ce  que  sainct  Paul  adiouste  pour  le  second,  c'est  ascavoir  que  nous  aurons  beau  nous  faire  valoir  devant  les  hommes:  car  toute  la  science  que  nous  aurons  acquise,  ne  sera  que  vent  ou  fumee,  si  nous  n'avons  ce  but  et  addresse,  ascavoir  de  servir  a  Dieu  en  pure  conscience,  quand  nous  aurons  mis  la  fiance  de  nostre  salut  en  luy  et  en  sa  pure  bonte,  et  que  nous  tascherons  aussi  d'aider  et  subvenir  a  nos  prochains.  Or  ceci  est  bien  contraire  au  sens  charnel  des  hommes:  car  nous  appetons  des  choses  plaisantes,  et  si  on  nous  vouloit  croire,  on  remueroit  tousiours  des  questions  inutiles  et  frivoles  pour  nous  transporter  en  l'air.  Si  on  nous  parle  de  la  grace  de  Dieu,  si  on  nous  exhorte  a  vivre  sainctement,  si  on  nous  monstre  comme  nous  devons  estre  patiens  en  nos  adversitez,  si  on  nous  appelle  a  cest  heritage  du  royaume  des  cieux,  ho,  ce  sont  choses  dont  nous  oyons  tant  parler  que  nous  en  sommes  tous  faschez,  et  ne  faut  que  nous  en  avoir  dit  trois  mots,  que  nous  en  sommes  saouls.  Tant  y  a  neantmoins  que  le  sainct  Esprit  n'a  point  prononce  sans  cause,  que  si  tost  qu'on  se  destourne  de  ce  but,  qu'on  ne  fera  qu'errer,  voire  en  toute  vanite  et  folie.  Voila  donc  ce  que  nous  avons  a  noter  en  second  lieu,  c'est  ascavoir,  que  quand  nous  ne  cercherons  d'estre  edifiez  en  foy  et  charite,  il  n'y  aura  que  des  speculations  volages,  qui  seront  pour  nous  elever  en  haut,  mais  en  la  fin  il  n'y  aura  ne  fondement  ne  substance.  Et  par  cela  voiton  quelle  est  la  theologie  papale:  car  ceux  qui  veulent  estre  reputez  docteurs,  n'ont  autre  estude  que  de  questions  frivoles  qui  n'emportent  nulle  doctrine  qui  soit.  Quand  un  homme  se  sera  bien  rompu  la  teste  pour  estre  theologien  (comme  on