52:42  accipit  pro  sincero  et  effuso��  Rursusque  eum  commendat  Philippensibus.  Adeo  totus  in  hoc  est,  ut  plurimi  aestimentur  quicumque  se  probant  bonos  et  fidos  pastores.  Neque  enim  de  uno  tantum  agit,  sed  iubet  cunctos  tales  in  pretio  haberi.  Sunt  enim  margaritae  ex  Dei  thesauris  pretiosae:  et  quo  rariore8  sunt,  eo  maiore  digni  pretio.  Nec  dubium  est  quin  saepe  ingratitudinem  nostram  et  superbum  fastidium,  privando  nos  bonis  pastoribus,  puniat  Deus:  dum  videt  optimos  quosque  a  se  datos  fere  contemni.  Qui  ergo  munitam  esse  Ecclesiam  cupit  adversus  luporum  insidias  et  insultus,  exemplo  Pauli  curet  bonis  pastoribus  stabilitam  autoritatein  :  sicut  e  converso  nihil  magis  satagunt  diaboli  organa,  quam  illam  quibuscunque  possunt  modis  pessumdare.  30.  Quia  propter  opus  Christi.  Ad  illam  infirmitatem  refero,  quam  sibi  assidua  sedulitate  contraxerat.  Morbum  ergo  Epaphroditi  inter  eius  virtutes  refert:  ut  certe  illustre  erat  specimen  ferventis  eius  zeli.  Aegrotare  quidem  virtus  non  est:  sed  ea  est  virtus,  ut  Christo  servias,  tibi  non  parcere.  Sentiebat  Epaphroditus  valetudini  sua��  fore  periculum  si  ultra  modum  sibi  instaret:  malebat  tamen  valetudinem  negligere,  quam  deesse  officio.  Et  quo  magis  hoc  factum  Philippensibus  commendet,  dicit  fuisse  supplementum  defectus  ipsorum:  quia  scilicet  procul  dissiti  non  poterant  operam  suam  Paulo  Romae  impendere.  Ergo  Epaphroditus  hac  de  causa  missus  vices  eorum  obibat.  Vocat  opus  Domini  obsequia  sibi  exhibita:  ut  certe  nihil  est  in  quo  melius  possimus  operam  Deo  locare,  quam  dum  servos  eius  pro  evangelii  veritate  laborantes  iuvamus.  CAPUT  in  1.  Quod  reliquum  est,  f  rates  mei,  gaudete  in  Domino.  Eadem  scribere  vobis  me  quidem  haud  piget,  vobis  autem  tutum  est  2.  Videte  canes,  videte  malos  operarios,  videte  concisionem.  3.  Nos  enim  sumus  circumcisio,  qui  spiritu  Deum  colimus,  et  gloriamu/r  in  Christo  Iesu,  non  autem  in  carne  confidimus.  4.  Tametsi  ego  eliam  in  carne  fiduciam  habeo.  Si  quis  alius  videtur  confidere  in  carne,  ego  magis^  5.  circumcisus  die  octavo,  ex  genere  Israel,  tribu  Beniamin:  Hebraeus  ex  Hebraeis,  secundum  legem  Pharisaeus*.  6.  secundum  zelum  persequens,  ecclesiam  :  secundum  iustitiam,  quae  est  in  lege,  irreprehensibilis.  1.  Gaudete  in  Domino.  Conclusio  est  superiorum.  Quia  enim  quotidianis  rumoribus  Satan  eos  percellere  non  desinebat,  iubet  securos  esse  et  bono  animo.  Hac  ratione  aa  constantiam  eos  hortatur,