49:42  aliorum  commodum  sapit.  Unde  ergo  laudem  captabant,  id  cedere  illis  in  vituperium  ostendit.  .  Qui  condonans  non  furandum.  Videtur  allusisse  ad  locum  Psalmi  quinquagesimi  (v.  16  sq.)  :  Impio  dixit  Deus:  Quorsum  enarras  statuta  mea  et  assumis  testamentum  meum  in  os  tuum?  tu  autem  odisti  disciplinam  et  proiecisti  verba  mea  post  te.  Se  videas  furem,  consentis  ei  :  et  cum  adulteris  portio  tua.  Quae  obiurgatio,  ut  in  Iudaeos  olim  competebat,  quid  nuda  legis  intelligentia  freti  nihilo  melius  vivebant  quam  si  legecaruissent:  ita  nobis  cavendum,  ne  in  nos  hodie  vertatur.  Et  sane  nimium  in  plerosque  congruit,  qui  raram  quandam  evangelii  notitiam  iactantes  perinde  ac  si  evangelium  vitae  regula  non  esset,  in  omne  genus  spurcitiae  sunt  dissoluti.  Ne  ergo  tam  secure  ludamus  cum  Domino,  meminerimus  quale  impendeat  iudicium  talibus  logodaedalis,  qui  verbum  Dei  sola  garrulitate  ostentant.  22.  Qui  detestans  idola.  Scite  opponit  idololatriae  sacrilegium,  tanquam  rem  eiusdem  generis.  Nam  sacrilegium  simpliciter  est  profanatio  divinae  maiestatis.  Quod  nec  ethnicos  quoque  poetas  latuit.  Hac  ratione  Ovidius  Metamorph.  31),  sacrilegum  appellat  Lycurgum  ob  contempta  Bacchi  sacra,  et  in  Fastis  sacrilegas  manus,  quae  numen  Veneris  violarant2).  Sed  quum  gentes  deorum  suorum  maiestatem  idolis  affigerent,  vocarunt  duntaxat  sacrilegium  si  quis  surripuisset  quod  templis  dicatum  esset,  in  quibus  putabant  sitam  esse  totam  religionem.  Sic  hodie,  ubi  pro  verbo  Dei  regnat  superstitio,  non  aliud  sacrilegii  genus  agnoscunt,  quam  templorum  opulentiam  suppilasse:  quando  nullus  est  Deus  nisi  in  idolis,  nulla  religio  nisi  in  luxu  et  pompa.  Admonemur  autem  hic  primum,  ne  parte  legis  aliqua  defuncti  nobis  placeamus,  alios  contemnentes.  Deinde,  ne  gloriemur  adeo  de  sublata  inter  nos  idololatria  exteriori,  ut  non  interim  curemus  latentem  in  animis  impietatem  a  nobis  profligare  et  eradicare.  23.  Qui  in  lege  gloriaris,  Deum  per  legis,  ete.  Quamquam  Deum  contumelia  afficit  quilibet  legis  transgressor  (quando  hac  conditione  nati  sunt  omnes,  ut  iustitia  et  ^sanctimonia  illum  colant),  iure  tamen  specialem  in  hac  re  culpam  Iudaeis  imputat.  Quia  quum  Deum  praedicarent  suum  legislatorem,  vitam  autem  suam  componere  ad  eius  regulam  minime  studerent,  declarabant  Dei  sui  maiestatem  non  magnae  sibi  curae  esse,  quam  adeo  ex  facili  contemnerent.  Quomodo  et  hodie  Christum  dehonestant  per  evangelii  transgressionem,  qui  de  eius  doctrina  otiose  garriunt,  quam  interim  effraeni  ac  libidinosa  vivendi  forma  proculcant.  24.  Nomen  enim  Dei.  Ego  magis  ex  Ezechielis  36,  23  sumptum  puto  testimonium  quam  ex  Iesaia,  l)  Imo  IV.  22.  *)  Cf.  etiam  III.  700.