37:42  fluctuamus.  Quod  si  stemus  innixi  huic  fundamento,  nullis  aut  aerumnis  aut  tempestatibus  obruemur.  Nec  tamen  intelligit  propheta  fideles  ita  intrepidos  stare  ut  omnis  prorsus  timoris  vacui  sint  et  immunes:  sed  quamvis  agitentur  in  animo,  et  variis  modis  ad  diffidentiam  sollicitentur,  ea  constantia  reluctari  ut  superiores  evadant.  Natura  enim  timidi  et  diffidentia  pleni  sumus,  sed  corrigendum  eiusmodi  vitium  hac  cogitatione:  Deus  nobis  adest,  et  curam  nostrae  salutis  habet.  -piTiiJ?  *)fc<  alii  in  praeterito  vertunt:  ego  in  futuro,  adiuvabo  te.  P]N  interpretor  Adhuc:  ut  saepe  alias  accipi  solet.  Quanquam  non  male  convenit  Etiam  :  ideoque  libera  sit  optio  lectoribus.  Si  praeteritum  verbi  tempus  placeat,  tantundem  valebit  ac  Quin  etiam,  vel  Imo.  Iustitiae  nomine  scriptura  non  tantum  aequitatem  comprehendit,  sed  fidem  quoque  quam  Dominus  praestat  in  conservandis  suis.  Sic  enim  specimen  edit  iustitiae  suae,  quum  adversus  impiorum  machinationes  et  varios  insultus  fideliter  suos  tuetur.  Ergo  dexteram  iustitiae  appellat,  qua  se  fidelem  et  iustum  esse  prodit:  unde  colligenda  est  eximia  consolatio.  Nam  si  servos  suos  tueri  et  defendere  statuit  Dominus,  nihil  nobis  verendum  est:  quia  Deus  se  ipsum  abnegare  nec  iustitiam  suam  exuere  potest.  11.  (Ecce  pudefient)  Hic  propheta  nominatim  promittit  Iudaeis  auxilium  adversus  hostes.  Nam  si  simpliciter  salutem  promitteret,  nulla  mentione  facta  de  hostibus,  variae  cogitationes  ac  perplexae  animis  eorum  obrepere  poterant.  Deus  quidem  promittit  nos  fore  salvos:  sed  interea  praevalent  adversarii  nostri,  nosque  indignissime  et  crudelissime  tractant:  ubi  haec  salus,  quae  tam  large  et  prolixe  promissa  est?  Ad  generalem  ergo  promissionem  additur  etiam  haec  circumstantia:  tametsi  floreant  hostes,  tamen  pudore  et  ignominia  tandem  suffusi  retrocedent.  Hac  ergo  conditione  promittitur  salus,  ut  interea  sustinendi  hostes,  variaque  certamina  cum  ipsis  subeunda  sint,  ne  tranquillitatem  nobis  externam  promittamus,  quoniam  assidue  nobis  in  bello  versandum  est.  12.  (Quaeres  eos.)  Id  est,  Si  quaeras.  Nec  enim  quaeruntur  hostes,  ubi  profligati  sunt.  Quamobrem  hoc  futurum  per  subiunctivum  resolvendum  puto,  Si  quaeras,  non  invenies:  quoniam  deleti  atque  in  nihilum  redacti  erunt.  Hic  observandum  est  duplex  notari  hostium  genus:  unum,  eorum  qui  aperta  vi  nos  adoriuntur  :  alterum,  eorum  qui  verbis  nobiscum  agunt,  id  est,  calumniis,  maledictis  et  contumeliis  nos  proscindunt  :  ac  veluti  iustam  causam  tuerentur,  varias  lites  nobis  intendunt,  nosque  iudicio  provocant:  ac  saepe  eorum  criminum  accusant  quorum  ipsi  autores  fuerunt.  Verum  hae  sunt  Satanae  artes,  cui  quum  ministros  se  praebeant,  haud  sane  mirum  est  ipsos  dominum  et  magistrum