34:42  pie  sur  la  gorge  quand  ils  seront  tombez,  mais  que  plustost  nous  ayons  ceste  affection  et  desir  de  les  relever:  mais  sur  tout  nous  avons  a  requerir  Dieu,  qu'il  nous  donne  l'esprit  d'intelligence,  comme  i'ay  dit.  Et  au  reste,  cela  se  doit  prattiquer  plus  avant:  c'est  assavoir,  quand  chacun  de  nous  sera  en  quelque  trouble,  qu'il  regarde  d'appliquer  l'Escriture  saincte  a  tel  usage,  quil  en  puisse  estre  console.  Pourquoy?  Nous  sommes  marris  quand  on  nous  viendra  picquer,  et  qu'estans  en  affliction  on  nous  viendra  encores  ietter  comme  un  comble  d'avantage  :  nous  dirons  bien  que  c'est  une  grande  cruaute,  et  qu'il  n'y  a  nulle  rondeur  ni  droiture  aux  hommes,  quand  ils  nous  traittent  ainsi:  mais  cependant  chacun  de  nous  fera  le  semblable  envers  soy-mesme.  Et  comment?  Si  ie  suis  en  quelque  tristesse,  quand  ie  prendrai  l'Escriture  saincte  pour  me  consoler,  ie  n'advise  point  a  prendre  les  passages  pour  ce  faire:  mais  plustost  quand  i'y  trouverai  quelque  menace,  ie  m'enflamme,  et  ma  fascherie  s'augmente  de  plus  en  plus,  au  lieu  que  l'Escriture  me  devroit  faire  sentir  quelque  goust  de  la  bonte  de  Dieu  pour  me  resiouyr  en  lui,  et  adoucir  toutes  mes  tristesses.  Voila  donc  comme  nous  sommes  mal  advisez,  d'autant  que  nous  ne  pouvons  pas  avoir  prudence  pour  nous  consoler  comme  nous  devrions,  et  comme  Dieu  nous  monstre  qu'il  veut  qu'on  le  face.  Et  ainsi,  non  seulement  que  nous  ayons  compassion  et  pitie  de  nos  prochains  quand  iis  seront  affligez,  mais  qu'un  chacun  aussi  regarde  a  soy,  pour  se  bien  consoler  et  alleger  de  tous  ses  maux,  quand  il  se  trouvera  en  telle  extremite.  Or  il  s'ensuit,  que  Iob  demande  a  Dieu,  Qu'il  mette  gage,  et  qu'il  donne  pleige,  ou  respondant.  Qui  sera  (dit-il)  celui  qui  toucher  a  en  ma  main?  Il  retourne  a  ce  propos  qui  fut  hier  declare,  qu'il  voudroit  bien  plaider  contre  Dieu,  voire  plaider  tout  ainsi  qu'a  son  compagnon,  et  a  son  pareil.  Car  pourquoy  demande-il  gage?  Pourquoy  demande-  il  respondant,  ou  fiance?  C'est  qu'il  veut  que  Dieu  se  demette  de  sa  maieste:  comme  s'il  disoit,  II  est  vrai  que  cependant  que  tu  demeureras  en  ta  grandeur,  ie  n'ose  pas  venir  pour  disputer  contre  toy,  tu  es  tout-puissant  pour  me  confondre:  mais  que  tu  me  donnes  conge  que  ie  puisse  parler  avec  toi,  et  que  tu  mettes  ici  gage,  que  tu  t'obliges,  que  tu  passes  condamnation,  que  tu  te  submettes  a  la  iurisdiction  d'un  iuge:  comme  si  un  homme  n'estant  point  habitant  d'un  lieu,  eslisoit  domicile,  et  baillast  respondant.  Voila  donc  ce  que  Iob  entend  quand  il  dit,  Que  est-ce  qui  toucher  a  en  ma  main?  C'est  a  dire,  qui  est-ce  qui  viendra  ici  pour  respondre?  Car  on  usoit  de  ceste  ceremonie,  comme  maintenant  on  touchera  le  papier,  ou  en  la  main  d'un  iuge,  ou  d'un  notaire.  Ainsi  de  ce  temps-la  les  parties  touchoient  en  la  main  l'un  de