33:42  nourrit  ainsi  et  sustante.  Et  voila  pourquoy  sainct  Paul  dit  (1.  Cor.  10,  31):  Que  soit  que  nous  beuvions,  ou  mangions,  il  faut  que  nous  facions  le  tout  au  nom  de  Dieu.  Il  y  en  a  beaucoup  a  qui  il  semble  qu'on  ne  se  doit  point  souvenir  de  Dieu  quand  il  est  question  de  boire  et  de  manger:  et  c'est  la  qu'il  nous  faut  tant  plus  penser  de  Dieu.  Quand  il  donne  ceste  vertu  au  pain  par  sa  parole,  que  nous  en  sommes  sustantez,  ne  voila  point  Dieu  qui  nous  monstre  sa  presence,  et  comme  il  a  sa  main  estendue  sur  nous?  Ainsi  donc  c'est  la  ou  il  nous  faut  plus  penser  de  lui:  car  voila  comme  le  boire,  efc  le  manger  sera  sanctifie,  quand  nous  ferons  le  tout  au  nom  de  Dieu.  Or  cependant  quand  ce  viendra  a  rendre  graces,  que  nous  sachions  qu'il  nous  pourra  estre  eschappe  quelque  faute:  et  bien,  Dieu  nous  pardonnera  ce  mal-la,  moyennant  que  nous  tendions  a  lui.  Efc  voila  pourquoy  il  est  ici  dit  notamment,  Que  Iob,  apres  que  le  tour  estoit  fait  aux  banquets  de  ses  enfans,  leur  mandoit,  qu'ils  se  sanctifiassent,  et  puis  il  offroit  un  sacrifice  solennel  pour  chacun  d'eux,  disant:  Possible  mes  enfans  auront  peches  qu'ils  n'auront  poinct  benit  Dieu:  combien  que  de  tout  cela  nous  en  dirons  en  la  fin.  Nous  voyons  donc  que  Iob  n'estoit  point  comme  ceux,  qui  apres  avoir  fait  scrupule,  concluent  qu'il  se  faut  desborder  du  tout.  Mais  Iob  va  au  remede,  c'est  a  savoir,  et  bien,  Dieu  nous  supportera  en  nos  infirmitez:  encores  que  mes  enfans  n'ayent  point  fait  du  tout  leur  devoir,  si  est-ce  que  Dieu  aura  pitie  et  d'eux  et  de  moy.  Demandons  lui  donc  pardon.  Cependant  Iob  ne  defend  point  a  ses  enfans  de  faire  leurs  banquets  accoustumez.  Et  pourquoi?  Car  la  chose  de  soy  estoit  bonne,  comme  nous  avons  dit.  Si  Iob  eust  dit,  voici  une  chose  meschante,  o  il  n'eust  point  sacrifie:  car  c'eust  este  abuser  du  nom  de  Dieu,  et  prendre  une  mauvaise  couverture.  Les  sacrifices  ue  sont  pas  ordonnez,  a  fin  de  nous  retenir  en  mal,  et  qu'un  chacun  se  nourrisse,  et  se  flatte  en  ses  peschez,  pour  dire,  Ie  pourray  sacrifier,  et  voila  Dieu  qui  sera  contente.  Iob  donc  ne  sacrifie  point  pour  dire  que  il  entretiene  une  chose  mauvaise:  mais  il  cognoit  que  ses  enfans  font  bien,  quand  ils  font  un  tel  recueil  l'un  a  l'autre,  et  que  c'est  une  chose  louable.  D'autant  qu'il  cognoist  cela,  il  ne  veut  point  trouver  a  redire  a  ce  qui  est  bon,  mais  il  cerche  le  remede  a  ce  que  s'il  y  a  quelque  faute  cachee,  il  plaise  a  Dieu  de  la  corriger:  pour  dire,  Et  bien,  il  faut  demander  pardon  a  Dieu,  a  fin  qu'il  supplie  a  nostre  infirmite.  Nous  voyons  donc  comme  Iob  y  procede,  comme  aussi  nous  y  devons  proceder.  Or  au  reste  notons,  que  quand  Iob  a  mande  a  ses  enfans  qu'ils  se  sanctifiassent,  il  a  monstre  en  cela  l'instruction,  qu'il  leur  avoit  donnee  des  leur  enfance,  c'est  a  savoir  de  servir  a