30:42  rerum  suarum  exitus  plane  inscius.  Quapropter  ista  sunt  nobis  diligenter  expendenda,  ut  quamdiu  se  nobis  Dominus  offert,  neque  desides  neque  segnes  simus  m  voluntate  ipsius  exquirenda:  et  ne  oblatam  occasionem  negligamus.  Nam  diabolus  modis  omnibus  Dei  veritatem  obscurare  conabitur:  quam  proinde  si  segnes  in  ipso  invocando  fuerimus  incertam  et  incognitam  habituri  sumus:  et  ab  ea  procul  aberraturi.  Quare  danda  nobis  opera,  ut  quum  Dei  voluntate  verbum  suum  apud  nos  quotidie  praedicetur,  et  nostras  aures  personet,  in  eius  obsequium  componamur,  eiusque  voluntati  nos  totos  submittamus,  et  illa  adversus  quoslibet  insultus  tanquam  certissimo  propugnaculo  utamur,  et  in  dies  in  illius  cognitione  proficiamus,  eademque  duce  preces  et  orationes  noctes  diesque  ingeminemus.  Sin  autem  desides  et  ignavi  fuerimus,  nobisque  persuadeamus  tempus  lapsum  recuperari  posse,  fiet  ut  spe  nostra  excidamus,  et  opinione  fallamur.  Sic  plerosque  videas  dicere  in  iuvenili  aetate,  non  apta  iam  aetas  mea  precibus,  sin  autem  senuero,  precibus  assiduis  incumbam.  Atqui  Dei  gratia  non  pendet  ab  arbitrio  nostro,  neque  in  nostra  est  potestate:  neque  etiam  veritas  eludi  potest.  Quamdiu  igitur  libertatem  precandi  habemus,  id  est  quamdiu  Deus  nobis  dat  otium  ipsum  invocandi,  omnes  pravas  cogitationes,  omniaque  impedimenta  quibus  a  precibus  avertimur  superemus  proculque  a  nobis  reiiciamus:  neque  unquam  meliora  tempora  aut  opportunitatem  speremus:  ne  forte  nobis  ostium  ingredi  volentibus  occludatur.  Sic  enim  videmus  cum  Saule  factum,  ut  quandoquidem  quum  per  necessitatem  oportuit,  et  opportunitatem  licuit,  Deum  non  quaesivit,  quum  vult  non  possit,  neque  illi  Deus  suam  interrogandi  voluntatem  faciat  potestatem.  Iam  vero  procidamus  ete.  HOMILIA  XLVI  IL  18.  Et  ait  Saul  ad  Achiam:  Applica  arcam  Dei  (erat  enim  ibi  arca  Dei  in  die  illa  cum  filiis  Israel).  19.  Quumque  loqueretur  Saul  ad  sacerdotem,  tumultus  magnus  exortus  est  in  castris  Philisthinorum,  crescebatque  paulatim  et  clarius  reboabat,  et  ait  Saul  ad  sacerdotem:  Contrahe  manum  tuam,  20.  Conclamavit  ergo  Saul  et  omnis  populus  qui  erat  cum  eo,  et  venerunt  usque  ad  locum  certaminis:  et  ecce  versus  fuerat  gladius  uniuscuiusque  ad  proximum  suum,  et  caedes  magna  nimis.  21.  Sed  et  Hebraei  qui  fuerant  cum  Philisthiim  heri  et  nudiustertius,  adscenderantque  cum  eis  in  castris  reversi  sunt,  ut  essent  cum  Israele  qui  erat  cum  Saul  et  Ionathane.  22.  Omnes  quoque  Israelitae  qui  se  abscon-