29:42  LE  NEUFIESME  SERMON  SUR  LE  CHAP.  XXXII.  Y.  32-35.  DU  LUNDI  15E  DE  IUIN  1556.  Ici  nostre  Seigneur  monstre  quels  fruicts  les  Iuifs  ont  merite  de  recueillir.  Comme  s'il  disoit,  que  la  vengeance  qu'il  fera  d'eux  ne  peut  estre  trouvee  par  trop  cruelle:  d'autant  qu'il  n'y  a  eu  en  eux  que  fiel,  amertume  et  toute  matiere  de  poison.  Et  pource  que  ces  figures  de  parler  pouvoyent  estre  aucunement  obscures,  il  adiouste,  qu'ils  n'ont  apporte  que  fruicts  de  Sodome  et  de  Gomorrhe.  En  quoy  il  declaire,  que  leurs  iniquitez  sont  aussi  villaines  que  celles  de  ces  deux  villes  que  Dieu  a  voulu  abysmer  de  la  foudre  du  ciel,  pour  donner  exemple  perpetuel  a  tout  le  monde.  Maintenant  nous  voyons  en  somme  quelle  est  l'intention  de  Moyse,  Yray  est  qu'aucuns  prennent  ceci  pour  la  punition,  disans  qu'il  faudra  que  Dieu  leur  rende  la  pareille.  Et  quoy?  qu'il  les  abreuvera  du  fiel  d'amertume,  et  d'angoisse,  et  de  toutes  sortes  de  punitions.  Or  il  est  vray  que  l'Escriture  parle  souvent  ainsi:  car  elle  accompare  tous  les  chastimens  que  Dieu  envoye  aux  hommes,  a  des  breuvages.  Tu  beuvras  de  mon  hanap.  Et  quoy?  Ie  vous  enyvreray  de  mon  esprit  de  tourbillon,  d'esprit  de  rage  et  de  forcenerie*  Comme  en  l'autre  passage:  Ie  vous  saouleray  de  tristesse  et  d'angoisse:  ie  vous  feray  tant  boire  de  mon  ire  que  vous  en  creverez.  Ceste  doctrine  donc  est  assez  commune  en  l'Escriture  saincte.  Mais  en  ce  passage  Dieu  regarde  plus  haut.  Yray  est  qu'il  menace  bien  les  Iuifs  :  mais  cependant  il  monstre  qu'il  les  punira  iustement  selon  leurs  offenses.  Ceux  qui  rapportent  ceci  aux  Payens  et  incredules,  se  sont  abusez.  Car  il  leur  sembloit  que  Dieu  apres  avoir  puni  son  peuple,  tourneroit  son  ire  sur  ceux  desquels  il  s'estoit  servi:  comme  nous  savons  que  Dieu  a  employe  les  Payens,  quand  il  a  voulu  faire  la  vengeance  sur  les  Iuifs,  qu'il  a  suscite  maintenant  le  roy  d'Egypte,  maintenant  le  roy  d'Assyrie,  et  puis  le  roy  de  Caldee.  Voila  donc  les  instrumens  de  l'ire  de  Dieu,  c'est  assavoir  les  incredules:  non  pas  qu'ils  cuidassent  servir  a  Dieu  en  menant  la  guerre:  mais  nous  savons  que  Dieu  gouverne  par  son  conseil  secret  toutes  les  choses  d'ici  bas,  et  applique  le  tout  a  bon  usage:  et  fait  que  les  hommes,  quelque  meschans  qu'ils  soyent,  en  despit  de  leurs  dents  font  et  executent  tout  ce  qu'il  a  ordonne.  Or  apres  que  Dieu  s'est  ainsi  servi  des  Payens,  ils  ont  leur  tour.  Car  il  est  dit  que  quand  Dieu  aura  fait  et  acheve  tout  son  ouvrage  en  la  montagne  de  Sion,  qu'alors  il  saura  bien  amener  en  rang  tous  ceux  qui  s'esgayent,  et  qui  pensent  eschapper  de  sa  main,  et  demeurer