27:42  estes  tant  obligez  a  luy,  que  vous  le  serviez  de  meilleure  affection.  Ici  en  somme  nous  voyons  deux  choses:  l'une  c'est  que  Moyse  conferme  tousiours  le  peuple  en  la  doctrine  que  nous  avons  ouye  par  ci  devant  :  c'est  que  tous  apprennent  de  glorifier  Dieu  en  leur  salut,  confessans  qu'ils  tiennent  tout  bien  de  luy,  qu'ils  n'ont  en  eux  nulle  dignite  ni  merites  pour  s'eslever:  mais  qu'il  faut  qu'ils  exaltent  leur  Dieu  estans  du  tout  aneantis.  Voila  pour  un  item.  Le  second  procede  de  la:  c'est  que  ceux  qui  ont  ainsi  cogneu  la  bonte  de  Dieu  sur  eux,  et  qui  sont  desia  enseignez  a  ie  glorifier,  qu'ils  soyent  esmeus  a  le  servir  plus  franchement,  qu'ils  ayent  un  zele  volontaire  de  s'offrir  a  Dieu,  afin  qu'il  les  gouverne,  et  qu'il  chevisse  paisiblement  d'eux.  Voila  donc  les  deux  articles  que  nous  avons  a  retenir  de  ce  passage.  Et  mesmes  notons  bien  ce  que  Moyse  non  sans  cause  insiste  tant  sur  ceste  doctrine:  car  nous  voyons  l'ingratitude  des  hommes,  c'est  qu'ils  taschent  tousiours  d'obscurcir  la  bonte  de  Dieu:  comme  nous  avons  ceste  maudite  racine  d'orgueil  et  de  hautesse,  qui  ne  se  peut  du  tout  oster.  Les  hommes  donc  se  feront  tousiours  accroire  qu'ils  valent  quelque  chose,  et  se  prisent,  voire  comme  en  despit  de  Dieu.  Quand  Dieu  aura  frappe  a  grands  coups  de  marteaux  sur  nos  testes,  si  est-ce  que  nous  ne  laissons  point  encores  de  lever  quelque  creste,  et  de  gronder,  efe  penser  qu'il  y  a  quelque  vertu  en  nous.  Pour  ceste  cause  Moyse  ne  s'est  pas  contente  d'avoir  dit  une  fois  ou  deux:  Vous  tenez  tout  vostre  bien  de  la  pure  grace  de  Dieu:  mais  il  y  retourne  encores  a  confermer  ceste  doctrine,  afin  que  ie  cacquet  les  hommes  soit  mieux  rabbatu:  et  que  ceux  qui  se  decoivent  par  vaines  imaginations,  apprennent  de  conclurre  finalement,  qu'il  n'est  plus  question  de  cercher  en  nous  rien  qui  soit  de  valleur,  ou  dignite:  mais  qu'il  faut  attribuer  a  Dieu  ce  qui  luy  est  propre,  c'est  assavoir  que  ce  qu'il  nous  a  appellez,  ce  qu'il  nous  a  choisis,  ce  qu'il  nous  entretient,  ce  que  nous  avons  sa  parolle,  ce  que  nous  avons  quelque  ordre  l'Eglise,  que  tout  cela  est  de  luy,  et  que  nous  ne  pouvons  pas  dire  que  nous  l'ayons  acquis  par  nostre  industrie  ou  vertu.  Voila  donc  quant  au  premier  poinct.  Or  pour  estre  mieux  confermez  de  cela,  faisons  comparaison  des  Anges,  et  de  tout  le  reste  du  monde  avec  nous,  que  nous  pensions:  Qui  sommes-  nous?  Il  est  vray  que  si  nous  n'allons  point  plus  loin  qu'a  nos  personnes,  nous  pourrons  avoir  les  yeux  eblouis:  comme  desia  de  nature  nous  savons  que  les  hommes  s'enyvrent,  tellement  qu'ils  sont  comme  ensorcellez  en  une  vaine  phantasie  de  leur  dignite.  Quand  donc  nous  ne  penserons  qu'a  nous,  il  nous  semblera  que  nous  vallons  quelque  chose  :  mais  si  nous  regardons  plus