26:42  attirez:  tant  y  a  que  nostre  douceur  et  humanite  leur  tournera  comme  en  charbons  de  feu,  qu'ils  en  seront  consumez.  Cependant  nostre  Seigneur  maintiendra  nostre  innocence,  quand  il  verra  que  nous  n'aurons  point  assailli  ceux  a  qui  nous  ne  demandions  rien:  mesmes  quand  nous  aurons  tasche  de  veincre  le  mal  en  bien  faisant,  ne  doutons  point  que  nous  ne  soyons  assistez  de  son  secours.  Il  j  ha  d'avantage:  c'est  que  Moyse  appelle  parolle  de  paix  quand  on  s'abstient  de  tout  malefice,  et  qu'on  presente  toute  equite  et  raison.  Ce  que  nous  avons  bien  a  noter.  Car  beaucoup  diront,  qu'ils  ne  demandent  que  paix:  voire,  mais  ce  sera  pour  leur  profit,  et  au  dommage  de  leurs  prochains.  Et  ce  n'est  pas  le  moyen.  Voulons-nous  donc  estre  paisibles,  et  voulons-nous  avoir  concorde  avec  ceux  qui  habitent  avec  nous?  de  nostre  coste  soyons  equitables,  abstenons-nous  de  toute  iniure,  ne  grevant  personne,  n'attirant  rien  du  bien  d'autruy  a  nous,  rendant  a  chacun  ce  qui  luy  appartient.  Voyla  quelle  est  la  paix.  Et  en  cela  voyons-nous  que  toutes  ces  belles  protestations  que  font  ceux  qui  sont  adonnez  a  rapines  et  outrages,  ne  sont  que  mensonges:  car  le  S.  Esprit  a  ici  prononce,  qu'il  n'y  ha  parolle  de  paix,  sinon  quand  on  garde  droiture  et  iustice,  et  que  nul  ne  soit  fasche  en  facon  que  ce  soit.  Or  tout  ainsi  que  nous  devons  mettre  peine  a  estre  raisonnables  envers  nos  prochains,  pour  nourrir  amitie  avec  eux:  aussi  quand  on  nous  presentera  toute  raison,  advisons  de  ne  la  point  refuser.  Car  si  nous  sommes  difficiles  a  contenter  outre  mesure,  il  faudra  que  ce  qui  est  escrit  au  Pseaume  soit  accompli  en  nous:  II  a  refuse  benediction,  et  elle  s'est  eslongnee  de  luy  :  la  malediction  le  couvrira  comme  un  manteau:  elle  sera  attachee  a  sa  chair  et  a  sa  peau.  Voulons-nous  donc  que  Dieu  nous  benisse,  et  face  que  les  hommes  aussi  nous  portent  faveur  et  amitie?  que  de  nostre  coste  nous  cerchions  la  benediction,  entant  qu'en  nous  sera:  et  quand  parolles  de  paix  nous  seront  offertes,  que  nous  n'allions  point  cercher  des  occasions  a  la  traverse,  afin  de  susciter  quelque  escarmouche  et  contention.  Yoila  ce  que  nous  avons  a  retenir  de  ce  passage.  Or  venons  a  ce  que  Moyse  adiouste.  Il  dit  que  Sehon  Roy  d?  Hesebon  ria  point  voulu  donner  passage  aux  enfans  d'Israel.  Et  pourquoy?  Car  le  Seigneur  (dit-il)  avoit  endurci  son  esprit,  et  avoit  obstine  son  coeur.  Par  ci  devant  nous  avons  declaire,  combien  que  Dieu  prevoye  que  le  message  de  paix  ne  profitera  rien,  ne  laisse  pas  de  l'envoyer:  mais  ici  Moyse  exprime  un  poinct  d'avantage,  c'est  assavoir,  que  Dieu  endurcit  les  coeurs  des  hommes.  Il  adiouste  qui  plus  est  la  fin,  c'est  assavoir,  qu'il  les  veut  perdre  et  ruiner,  qnand  il  fait  cela.  Or  ceci  de  prime  face  est  bien  estrange.  Et  voila  pourquoy  on  a  tasche  de  desguiser  ces  passages  :  mais  on  les