24:42  ergo  mirum  si  Moses,  qui  paratus  ad  obsequium  fuerat  ante  quadraginta  annos,  seque  assidue  exercuerat  in  hoc  sancto  affectu,  dum  in  arenam  descendere  iubetur,  novum  terrorem  concipit.  12.  Et  respondit:  Quia  ero  tecum.  Notandum  quod,  ad  superandos  omnes  metus  et  eximendos  omnes  scrupulos,  solam  opis  suae  praesentiam  Deus  opponit,  ac  si  diceret,  non  referre  quis  sit  Moses,  vel  quid  ferant  eius  vires:  modo  sit  eius  ductor.  Quibus  verbis  docemur,  iusto  eum  honore  tunc  demum  a  nobis  affici,  ubi  solo  eius  auxilio  contenti,  nullam  fiduciae  materiam  extra  ipsum  quaerimus:  et  dum  nos  turbat  propria  imbecillitas,  satis  tamen  habemus  a  parte  nostra  ipsum  stare.  Hinc  celebres  illae  sanctorum  voces.  Si  ambulavero  in  medio  umbrae  mortis,  non  timebo  mala,  quoniam  tu  mecum  es,  ete.  (Psal.  23,  4).  Item:  Dominus  mihi  adiutor,  non  timebo  quid  faciat  mihi  caro  (Psal.  56,  5).  Item:  Si  me  circumsteterint  millia  hostium,  confidam  (Psal.  3,  7).  Item:  Si  Deus  pro  nobis,  quis  contra  nos  (Rom.  8,  31)?  Ideo  ut  quisque  optime  in  fide  profecit,  ubi  ad  maximum  quodque  discrimen  ventum  est,  Dei  virtutem  extollens  una  exsurgit,  quo  toti  mundo  audacter  insultet.  Atque  hinc  firmus  et  infatigabilis  obedientiae  tenor,  si  vox  haec  radicitus  infixa  sit  cordibus  nostris,  Deum  nobis  adesse.  Postquam  autem  iussus  est  Moses  a  se  ipso  mentis  considerationem  avertere,  ut  in  promissum  Dei  auxilium  omnes  suos  intuitus  defigeret,  signo  etiam  confirmatur,  triduo  postquam  egressi  fuerint  ex  Aegypto  Israelitae,  sacrificaturos  Deo  in  monte  Horeb.  Videtur  tamen  minime  apta  esse  vel  opportuna  haec  promissio  cuius  effectus  nonnisi  re  peracta  exstitit.  Coactos  1)  sensus,  quos  vitandae  absurditatis  causa  quidam  accersunt,  omitto:  quia  recte  et  prudenter  alii  observant,  non  inutilem  esse  nec  vanam  confirmationem  a  signis  posterioribus,  cuius  etiam  alibi  occurrunt  exempla.  Davidem  ungens  Samuel  promittit  fore  regem  populi  (1  Sam.  16,13):  atque  hoc  signum  fore  pronunciat,  quod  unctio  sit  a  Deo.  Diu  et  dubiis  casibus  bellandum  fuit,  antequam  hoc  signo  frueretur  David  :  neque  tamen  supervacuum  censebitur,  quia  suo  tempore  comprobata  fuit  Dei  gratia.  De  solvenda  urbis  obsidione  Isaias  37,30,  disserens,  signum  adiungit  :  Comedetis  hoc  anno,  quae  ponte  nascentur:  altero  quae  ex  sponte  nascentibus  pullulaverint:  tertio  anno  seminabitis,  plantabitis  vineas,  et  comedetis  fructum.  Dictum  fuit  Ioanni  baptistae,  super  quem  videris  spiritum  descendere,  hic  est  qui  baptizat  in  spiritu  et  igni  (Ioh.  1,  33).  Atqui  antequam  signum  illud  conspiceret,  iam  cognoverat  Christum  esse  filium  Dei.  Neque  enim  eum  latebant  utriusque  parentis  vaticinia.  Sed  absurdum  non  est,  fidem  quae  in  verbo  fnndata  est,  1)  Princeps:  Cunctos.