22:42  oeuvres,  affin  que  le  Seigneur  oeuvre  en  nous  par  son  esperit.  Secondement  affin  que  nous  gardions  lordre  legittime  de  lEglise  pour  ouyr  la  parolle  de  Dieu,  pour  ladministration  des  sacremens  et  pour  les  oraysons  publiques.  Tiercement  affin  que  nous  ne  opprimions  inhumainement  de  labeur24)  ceulx  qui  nous  sont  subiectz.  Honore  ton  pere  et  ta  mere  affin  que  tes  iours  soient  prolongez  sur  la  terre,  laquelle  le  Seigneur  ton  Dieu  te  donnera.  Par  cecy  nous  est  commandee  la  piete  envers  noz  peres  et  meres  et  ceulx  qui  sont  constituez  sur  nous  en  mesme  degre  comme  les  princes  et25)  magistratz:  cest  a  scavoir  que  nous  leur  facions  toute  reverence  obeissance  et  recognoissance,  et  tous  les  services  quil  nous  est  possible:  car  ceste  est  la  volunte  du  Seigneur,  que  nous  rendons  le  semblable  a  ceulx  qui  nous  ont  mis  en  ceste  vie.  Et  ne  peult  challoir  silz  sont  dignes  ou  indignes  que  cest  honneur  leur  soit  porte,  car  quelz  quilz  soient  ilz  nous  sont  donnez  pour  pere  et  mere  par  le  Seigneur  lequel  a  voulu  quon  les  honore.  Mais26)  il  fault  aussi  noter  cecy  incidemment,  cest  quil  ne  nous  est  pas  commande  de  leur  obeir  sinon  en  Dieu.  Pourtant  il  ne  fault  pas  pour  leur  complaire  transgresser  la  Loy  du  Seigneur,  car  silz  nous  commandent  rien  contre  Dieu  en  ce  nous  ne  les  devons  pas  reputer  pour  pere  et  mere,  mais  comme  estrangiers,  lesquelz  nous  veullent  retirer  de  lobeissance  de  nostre  vray  Pere.  Et  cestuy  cy  est  le  premier  commandement  avec  promesse  (comme  dict  S.  Paul  aux  Ephes.  6)  par  laquelle,  quand  le  Seigneur  promect  benediction  de  la  presente  vie  aux  enfans  qui  auront  servy  et  honore  leurs  peres  et  meres  par  telle  observation  quil  est  convenable,  pareillement  il  declare  que  trescertaine  malediction  est  preste  a  ceulx  qui  leur  sont  rebelles  et  desobeissans.  Tu  ne  tueras  point  Icy  nous  est  interdicte  toute  violance  et  iniure,  et  generalement  toute  offense  par  laquelle  le  corps  du  prochain  puisse  estre  blesse.  Car  si  nous  avons  souvenance  que  lhomme  est  faict  a  lymage  de  Dieu,  nous  le  debvons  avoir  pour  sainct  et  sacre,  en  24)  de  labeur  om.  25)  princes  et  om.  26)  Les  deux  phrases:  Mais  nostre  vray  Pere.  et:  Et  cestuy  ci  desobeissans,  se  suivent  dans  Vorare  inverse  dans  le  latin.