21:42  42  ci  dessus,  il  a  entierement  traduit  de  Latin  en  Francois  son  Harmonie  sur  Moyse,  reveu  la  traduction  de  Genese,  escrit  sur  ce  present  livre  de  Iosue,  et  finalement  reveu  et  corrige  la  pluspart  des  annotations  Francoises  sur  le  Nouveau  Testament,  qu'autres  avoyent  auparavant  recueillies.  Outre  cela  iamais  il  ne  s'est  espargne  aux  affaires  des  Eglises,  respondant  et  de  bouche  et  par  escrit  quand  il  en  estoit  besoin:  encores  que  de  nostre  part  nous  luy  fissions  remonstrances  d'avoir  plus  d'esgard  a  soy.  Mais  sa  replique  ordinaire  estoit  [page  46]  qu'il  ne  faisoit  comme  rien,  que  nous  souffrissions  que  Dieu  le  trouvast  tousiours  veillant  et  travaillant  a  son  oeuvre  comme  il  pourroit  iusques  au  dernier  souspir.  Le  25  d'Avril  il  fit  un  testament  fort  brief,  comme  iamais  il  n'a  abuse  mesmes  de  paroles  en  tant  qu'en  luy  a  este,  mais  contenant  un  singulier  et  excellent  tesmoignage  a  [fol.  9]  iamais  qu'il  a  parle  comme  il  a  creu  :  qui  a  este  cause  que  volontiers  ie  l'ay  insere  de  mot  a  mot  par  le  consentement  de  son  frere  et  seul  heritier  Antoine  Calvin,  afin  que  cest  acte  demeure  a  perpetuite,  comme  il  a  pleu  a  Dieu  que  quelques  testamens  de  ses  plus  excellens  serviteurs  ayent  este  enregistrez,  pour  estre  perpetuels  tesmoignages  qu'un  mesme  Esprit  de  Dieu  les  a  gouvernez  en  la  vie  et  en  la  mort:  et  puis  aussi  pour  faire  mieux  cognoistre  l'impudence  extreme  de  ceux  qui  feroyent  volontiers  croire  que  sa  mort  a  dementi  sa  vie.  Et  si  quelqu'un  estime  qu'en  ceci  il  y  ait  rien  de  contrefait,  ie  ne  m'amuseray  point  a  le  contredire.  Seulement  ie  l'admoneste  quiconques  il  soit,  de  bien  penser  que  c'est  qu'il  y  aura  de  ferme  en  la  societe  humaine  s'il  est  loisible  de  revoquer  en  doute  ce  qui  a  este  fait  en  une  ville  au  veu  et  sceu  de  qui  l'a  voulu  ouir  et  scavoir.*)  [fol.  10.  page  52]  Voyant  que  la  courte  haleine  le  pressoit  de  plus  en  plus,  il  pria  Messieurs  les  quatre  Syndiques  et  tout  le  petit  Conseil  ordinaire,  qu'on  appelle,  de  le  venir  veoir  tous  ensemble.  Estans  venus  il  leur  fit  une  remonstrance  excellente  des  singulieres  graces  qu'ils  avoyent  receues  de  Dieu  et  des  grans  et  extremes  dangers  desquels  ils  avoyent  este  preservez,  ce  qu'il  povoit  bien  leur  reciter  de  poinct  en  poinct,  comme  celuy  qui  scavoit  le  tout  a  meilleures  enseignes  qu'homme  du  monde:  et  les  admonesta  de  plusieurs  [page  53]  choses  necessaires  selon  Dieu  au  gouvernement  de  la  Seigneurie  :  brief  il  fit  office  de  vray  Prophete  et  serviteur  de  Dieu:  protestant  de  la  syncerite  de  la  doctrine  qu'il  leur  avoit  annoncee,  les  asseurant  contre  les  tempestes  prochaines,  pouveu  qu'ils  1)  Suit  le  texte  du  testament,  tel  que  nous  V  avons  insere  dans  le  tome  XX  page  298  sous  le  JS\  4103.