20:42  3968.  BULLINGERUS  CALVINO.  Respondet  ad  varia  argumenta  nuperae  epistolae.  Metuit  ne  Lutheranismus  per  Suherum  Basiliensibus  obtrudatur.  (Ex  autographo  Arch.  Turic.  Plut.  VI.  Vol.  117b,  olim  Scrin.  O.  Epp.  Tom.  If.  fol.  514.  -  Simler.  Vol  107.)  Clarissimo  viro  D.  Ioanni  Calvino  Genevensis  ecclesiae  fidelissimo  pastori  domino  meo  honorando  et  fratri  carissimo.  Genff.  S.  D.  Nihil  omnino  vel  tuarum  vel  Bezae  literarum  periit.  Nam  redditae  sunt  mihi  binae  tuae  literae  priores  3.  Iunii,  posteriores  6.  eiusdem  mensis  scriptae.1)  Video  autem  quanti  me  facias,  qui  morbo  oppressus  nihilo  minus  vel  ex  lecto  pergas  ad  me  dare  literas.  Unde  et  maximas  tuae  humanitati  gratias  ago  et  Dominum  oro  ut  te  nobis  restituat  et  ecclesiae  suae  diu  incolumem  servet��  Minime  suadeo  ut  nunc  quidquam  suscipias  laboris,  sed  hortor  ut  quietum  te  serves  melioribus.  Sat  alias  et  plus  nimium  exercens  morbo.  Non  est  quod  nunc  tantillum  cogites  de  confutandis  Blandratae  impiis  discipulis.  Exspectemus  potius  et  videamus  quomodo  isti  admonitionem  tuam2)  velint  excipere.  Res  atque  tempus  opportune  quid  facto  opus  sit  suggerent.  Atque  utinam  tu  interim  convalescas.  Verissima  sunt  quae  tu  scribis  de  Tertulliano  et  Hilario.  Ab  huius  lectione  abhorrui  semper.  Illum  non  illibenter  legi  quod  brevibus  multa  dicat  et  argumentis  densa  et  nervosa  sit  eius  oratio,  licet  dura  et  scabra.  Exemplum  epistolae  ad  Tretium  per  Sarnicium  scriptae3)  exhibebit  tuae  humanitati  noster  ille  Ionvilleus.  Non  sine  ingenti  gaudio  legi  serenissimam  Navarrae  reginam  petivisse  a  vobis  ministros.  4)  Faxit  Christus  ut  multo  cum  fructu  suo  fungantur  munere,  et  Gallia  afflictissima  pacata  tandem  cervicem  Christo  servatori  submittat.  Bene  monuisti  ne  credamus  quae  nonnulli  spargant  de  Principe.5)  Sunt  qui  iactant  ipsum  in  aula  quidem  esse,  sed  contemptum  et  privatum,  et  adeo  gubernatorem  primum  non  esse  ut  ne  quidem  sit  in  nu-  3968.  1)  Imo  prior  nobis  periit,  posterior  illa  est  quam  Beza  sine  nomine  Bullingeri  edidit  2)  N.  3914.  3956.  3)  N.  3938.  4)  N  3961.  5)  Condaeo.  Carolus  IX.  a.  d.  F.  Cal.  Iul.  absoluto  anno  aet  14  sui  iuris  declaratus  est