19:42  Literas  abs  te  scriptas  lo.  Maii  *)  hic  demum  nuncius  mihi  reddidit,  ex  quibus  intelligo  meas  2)  tunc  non  fuisse  tibi  redditas.  Posteriores  vero  quas  simul  accepi  prima  Septembris  datae  ostendunt  intercidisse.  Nam  quum  octavo  demum  mense  nondum  ad  manus  tuas  pervenerint  periisse  facile  coniicio.  Porro  sicuti  initio  tibi  testatum  esse  volui  non  video  cur  tam  anxie  de  Blandrata  mihi  reconciliando  labores.  Magnum  esse  virum  existimas.  Fruere  igitur  tuo  iudicio:  modo  vicissim  mihi  concedas  sentire  quod  sentio.  Sincerum  esse  praedicas  :  scio  nihil  magis  versutum  esse  ac  omni  perfidia  refertum.  Nullam  haereseos  notam  homini  vis  aspergi.  Atqui  apud  nos  manifestae  impietatis  satis  superque  fuit  convictus.  Denique  si  tibi  obsequi  velim  puerorum  quoque  ludibrio  me  exponerem.  Male  me  nosti,  D.  Lismaniney  qui  ingenio  tam  servili  et  adulatorio  esse  putasti.  Unde  porro  haec  fiducia  ut  in  gratiam  tuam  non  modo  snbeam  levitatis  et  mendacii  dedecus,  sed  ut  turpiter  mentiendo  Satanae  ianuam  aperiam  ad  nocendum?  Cupio  amicitiam  nostram  perpetuo  manere  salvam,  sed  non  hac  mercede.  Itaque  si  pergis,  quaere  tibi  alios  amicos,  quibus  et  veritatis  et  ecclesiae  prodendae  leges  praescribas.  Georgius  Blandrata,  nullius  existimationis  homo,  vulpina  fraude  et  blanditiis  nobis  persuasit  se  venisse  Genevam  ut  in  schola  Christi  proficeret.  Postea  deprehensus  est  qualis  erat.  Et  quum  pravis  suis  erroribus  involvere  ac  fascinare  multos  tentasset,  increpatus  fuit,  et  tamen  ea  moderatione  ut  integrum  fuerit  inter  nos  fraterne  versari.  Quia  non  desistebat,  vocatus  fuit  ad  consistorium:  ubi  iterum  severe  admonitus  sic  tamen  discessit  ut  nostram  humanitatem  laudaret.  Quum  nemo  crearet  illi  periculum,  furore  perterritus  (sic  eum  vexabat  mala  conscientia)  subito  in  fugam  se  proripuit.  Quam  pertinax  esset  haereticus  ex  testimonio  D.  Petri  Martyris  cognoscere  licet.3)  Venit  in  Poloniam.  Pavore  D.  Francisci  Lismanini  creatur  archipresbyter.4)  Calvinus  pia  sollicitudine  occurrere  volens  periculo  quod  Polonicis  ecclesiis  instabat,  occultum  venenum  detegit.  D.  Lismaninus  se  arbitrum  interponit  et  denunciat  extrema  quaeque  mala  nisi  Blandratae  impietatem  praeclaris  elogiis  mature  sepeliat.  Si  te  ad  tempus  excaecavit  Blandratae  amor,  paulisper  nunc  te  collige,  ut  pro  tua  prudentia  agnoscere  incipias,  non  modo  te  mihi  fuisse  iniquum,  sed  toti  Christi  ecclesiae  non  vul-  3564.1)  deperditas.  2)  Nobis  ultimae  fuerunt  illae  quas  sub  N.  2981  legisti,  d.  19.  Nov.  1558  scriptae.  Sane  recentiores  aliquae  desiderantur.  3)  De  quo  vide  in  Epp.  ad  Wilnenses  et  Badzivilium.  4)  N.  3245.  41  42