16:42  dissimularit  se  fuisse  hac  de  re  rogatum.  Ego,  si  possum,  non  me  vinci  patiar.  Dominus  det  consilium  et  constantiam  et  prudentiam,  quibus  hominum  iniquitati  resistere  possim.  Sunt  qui  existiment  adversariam  causam  valde  gravari  posse,  si  habeam  ad  manum  processum,  quem  vocant,  Glaudii  nothi.4)  Se  adversarii  iugularunt  quod  nomine  huius  processus  fictitia  quaedam  scripta  et  falsa  protulerunt  in  iudicium,  quorum  mihi  exemplaria  adiudicata  sunt.  Tu  vide  an  expediat:  et  si  quid  est  aliud  quo  possim  facilius  redarguere  coram  Bernatibus  adversariorum  impudentiam,  mendacia  et  calumnias  quae  se  ipsa  per  se  satis  revincunt.  Sed  nihil  nostra  ex  parte  nimis  clare  et  manifestum  esse  potest.  Primo  Martii  die  aderunt  Bernenses  iudices.  Spero  interea  litem  meam  apud  iudices  Lausannenses  finiendam.  Misissem  ad  te  exemplar  scripti  processus  nomine  ab  adversariis  producti,  si  exscribi  potuisset.  Sed  eius  non  ita  pridem  mihi  copia  facta  est.  Compater  Enoclms,  qui  perlegit,  summam  et  ordinem  illius  referet.  Mitto  ad  te  Farelli  literaso)  quas  ad  te  mittere  oblitus  est  Beza  noster,  qui  te  plurimum  salutat.  Salutant  te  uxor  et  nostri  omnes  amantissime.  Salutem  multam  dico  amicis.  Vale  optime  ac  diutissime.  Valde  cupio  te  videre  et  amplecti,  sed  vides  quibus  catenis  retinear,  quas  brevi,  ut  spero,  Dominus  solvet.  Si  quid  habetis  quod  nostra  nos  scire  referat,  fac  nos  certiores.  Vale  iterum.  Lausannae  20.  Febru.  1556.  Tuus  Petrus  Viretus.  2395.  CALVINUS  ZERKINTI.  Agit  de  negotio  renovandi  foederis  inter  utramque  civitatem,  qua  occasione  Genevenses  iustam  querelarum  causam  habere  ostendit,  simul  quam  exiguas  ipse  partes  in  rebus  publicis  tractandis  agat  exponit.  (Descriptam  praebemus  ex  Ionvillaei  exemplari  Cod.  Genev.  107a,  fol.  124,  coll.  cum  Turretiniano  Cod.  108,  fol.  62,  Bernensi  epp.  VI.  p.  624  et  Simleriano  Vol.  86.  .  Edidit  Hundeshagen  p.  365.  Anglice  versa  legitur  in  Edit.  Philad.  111.  249.)  4)  Claude  de  Geneve  dit  le  Bastard,  supplicio  affectus  a.  1555.  (Cf.  N.  2245  et  seqq.  2329.)  5)  Fortassis  eas  quas  supra  (N.  2393,  not.  3)  deperaltas  esse  suspicati  sumus,  vel  ipsas  Calvino  destinatas.