8:419  419  QUATRE  SERMONS.  420  trecuidance  de  ceulx  qui  veulent  voltiger  en  Pair,  et  pretendent  de  monter  au  ciel  par  leurs  speculations,  en  mesprisant  les  sermons  et  l'usage  des  Sacremens,  comme  si  c'estoyent  choses  externes  et  non  pas  fort  requises.  Notez  bien,  mes  freres,  de  quelles  gens  ie  parle.  Ie  confesse  que  Dieu  garde  les  siens  sous  la  capitivite  de  l'Antechrist,  combien  qu'ils  soyent  destituez  des  aides  que  nous  avons  yci  en  liberte.  La  parolle  de  Dieu  ne  leur  est  point  preschee,  ils  n'ont  nul  lieu  ou  il  leur  soit  permis  de  faire  confession  de  leur  foy,  les  Sacremens  leur  sont  ostez;  mais  pource  qu'en  se  separant  des  abominations  de  l'Antechrist,  ils  souspirent  et  regrettent  de  n'avoir  point  ce  qui  leur  seroit  tant  et  plus  utile,  Dieu  besongne  en  eulx  par  la  vertu  de  son  Esprit,  et  supplie  ce  qui  y  default.  Mais  il  y  en  a  la  pluspart,  lesquels  estans  en  telle  desolation,  s'y  plaisent  neantmoins,  et,  estans  affamez,  n'ont  nul  appetit:  ce  sont  ceuix  qui  contrefont  les  philosophes,  se  contentans  d'avoir  leu  trois  pages  et  demie,  pour  dire  qu'ils  en  scavent  tout  ce  qu'il  en  fault  scavoir.  Telles  gens  (comme  il  leur  semble)  n'ont  point  besoing  d'estre  preschez.  De  la  Cene,  c'est  tout  un,  quand  iamais  ils  n'en  approcheront.  Quant  a  tout  ordre  exterieur  de  l'Eglise,  ils  le  renvoyent  aux  petis  enfans,  comme  s'il  estoit  trop  bas  pour  eulx.  Ie  vous  prie,  ne  fault-il  [f.  50]  pas  bien  que  telles  gens  soyent  plus  qu'aveugles?  Cependant,  encores  nous  accuseront-ils  de  ce  que  nous  exhortons  ceulx  ausquels  nostre  Seigneur  a  declare  sa  verite,  d'user  des  moyens  que  Dieu  ordonne  pour  l'accroissement,  conservation  et  perseverance  de  nostre  foy.  Et  pourquoy  cela,  sinon  d'autant  qu'ils  se  faschent  qu'on  les  resveille  pour  leur  faire  sentir  leur  mal?  Ie  pren  le  cas  qu'ils  n'idolatrent  point  avec  les  Papistes:  si  ne  peuvent-ils  nier  que  ce  ne  soit  une  mauldicte  servitude  de  ne  pouvoir  confesser  le  nom  de  Dieu  et  de  Iesus  Christ.  Le  sainct  Esprit  voulant  navrer  les  cueurs  des  fideles  qui  estoyent  captifs  en  Babylone,  leur  met  ceste  sentence  en  la  bouche:  Comment  chanterions-nous  les  louanges  du  Seigneur  en  terre  estrange?  (Pseaulme  137,  4.)  Ie  confesse  que  le  royaume  de  Dieu  est  auiourd'huy  partout,  et  qu'il  n'y  a  plus  de  distinction  entre  Iudee  et  les  autres  pais;  mais  ie  di  toutesfois  que  le  pais  ou  le  service  de  Dieu  est  aboli  et  la  religion  anneantie,  merite  bien  d'estre  tenu  pour  estrange  et  profane.  Il  fault  donc  que  ceulx  qui  n'ont  nul  regret  de  n'oser  faire  protestation  de  leur  foy  et  celebrer  le  nom  de  Dieu,  soyent  du  tout  hebetez.  Mais  que  les  enfans  de  Dieu  soyent  advertis,  par  ceste  remonstrance,  de  ne  se  point  estourdir  d'eulxmesmes.  Quant  a  ceulx  qui  babillent  en  se  mocquant  de  nous,  a  scavoir  si  on  ne  peut  aller  en  Paradis  qu'en  passant  par  Geneve,  ie  respon  que  pleust  a  Dieu  qu'ils  eussent  le  courage  de  s'assembler