7:419  419  ACTA  SYNODI  TRIDENTINAE  420  PRIMUM  DECRETUM  QUINTAE  SESSIONIS,  HABITAE  DIE  XVII.  IUNII.  MDXLVI.  CONCILII  TRIDENTINI.  1)  Ut  fides  nostra  Catholica,  sine  qua  impossibile  est  placere  Deo,  purgatis  erroribus,  in  sua  sinceritate  integra  et  illibata  permaneat,  et  ne  populus  Christianus  omni  vento  doctrinae  circumferatur,  quum  serpens  ille  antiquus,  humani  generis  perpetuus  hostis,  inter  plurima  [pag.  108]  mala,  quibus  Ecclesia  Dei  his  nostris  temporibus  perturbatur,  etiam  de  peccato  originali,  eiusque  remedio,  non  solum  nova,  sed  etiam  vetera  dissidia  excitaverit:  Sacrosancta,  Oecumenica,  et  generalis  Tridentina  Synodus,  in  Spiritu  sancto  legitime  congregata  ,N  praesidentibus  in  ea  eisdem  tribus  Apostolicae  Sedis  Legatis,  iam  ad  revocandos  errantes,  et  nutantes  confirmandos  accedere  volens,  sacrarum  Scripturarum,  et  sanctorum  patrum,  ac  probatissimorum  Conciliorum  testimonia,  et  ipsius  Ecclesiae  iudicium  et  consensum  sequuta,  haec  de  ipso  peccato  originali  fatetur,  statuit,  ac  declarat.  Si  quis  non  confiteatur  primum  hominem  Adam,  quum  mandatum  Dei  in  Paradiso  fuisset  transgressus,  statim  sanctitatem,  et  iustitiam,  in  qua  constitutus  suer'at,  amisisse,  incurrisseque  per  offensam  praevaricationis  huiusmodi  iram  et  indignationem  Dei,  atque  ideo  mortem,  quam  antea  illi  comminatus  fuerat  Deus,  et  cum  morte  captivitatem  [pag.  i  o  9]  sub  eius  potestate,  qui  mortis  deinde  habuit  imperium,  hoc  est  diaboli,  totumque  Adam,  per  illam  praevaricationis  offensam  secundum  corpus  et  animam  in  deterius  commutatum  fuisse:  Anathema  sit.  Si  quis  Adae  praevaricationem  sibi  soli,  et  non  eius  propagini  asserit  nocuisse,  acceptam  a  Deo  sanctitatem  et  iustitiam,  quam  perdidit,  sibi  soli,  et  non  nobis  etiam  eum  perdidisse  :  aut  inquinatum  Ulum  per  inobedientiae  peccatum,  mortem,  et  poenas  corporis  tantum  in  omne  genus  humanum  transfudisse,  non  autem  et  peccatum,  quod  est  mors  animae:  Anathema  sit,  quum  contradicat  Apostolo  dicenti:  Per  unum  hominem  peccatum  intravit  in  mundum,  et  per  peccatum  mors  et  ita  in  omnes  homines  mors  pertransiit,  in  quo  omnes  peccaverunt.  Si  quis  hoc  Adae  peccatum,  quod  origine  unum  est,  et  propagatione,  non  imitatione  transfusum  omnibus,  inest  unicuique  proprium,  vel  per  humanae  [pag.  llo]  naturae  vires,  vel  per  aliud  remedium  asserit  tolli,  quam  per  meritum  unius  mediatoris  Domini  nostri  Iesu  Christi,  qui  nos  Deo  reconciliavit  in  sanguine  suo,  factus  nobis  iustitia,  sanctificatio  et  redemptio,  aut  negat  ipsum  Christi  Iesu  meritum  per  baptismi  sacramentum,  in  forma  Ecclesiae  rite  collatum,  tam  adultis  quam  parvulis  applicari,  Anathema  1)  Legitur  in  ed.  Gottingensi  Tom.  1.  p.  17.