6:419  TRAICTE  DES  RELIQUES.  venanee  que  Dieu  avoit  nourry  miraculeusement  [page  27]  le  peuple  d'Israel  au  Desert.  Mais  des  reliefz  qui  demeurerent  des  cinq  pains,  l'Evangile  ne  dit  point  qu'il  en  fut  rien  reserve  a  telle  fin;  et  n'y  a  nulle  histoire  ancienne  qui  en  parle,  ne  aucun  docteur  de  l'Eglise.  Il  est  donc  facile  de  iuger  qu'on  a  pestry  depuis  ce  qu'on  en  monstre  maintenant.  Autant  en  faut  il  iuger  du  rameau  qui  est  a  sainct  Salvador  en  Hespaigne.  Car  ilz  disent  que  c'est  celuy  que  tenoit  Iesus  Christ  quand  il  entra  en  Ierusalem  le  iour  de  Pasques  flouries.  Or,  l'Evangile  ne  dit  pas  qu'il  en  tint;  c'est  donc  une  chose  controuvee.  Finalement,  il  faut  mettre  en  ce  reng  une  autre  relique  qui  se  monstre  la  mesme:  c'est  de  la  terre  ou  Iesus  Christ  avoit  les  piedz  assis  quand  ii  ressuscita  le  Lazare.  Ie  vous  prie,  qui  est-ce  qui  avoit  si  bien  marque  la  place,  que  apres  la  destruction  de  Ierusalem,  que  tout  estoit  change  au  pays  de  Iudee,  on  ayt  peu  adresser  au  lieu  ou  Iesus  Christ  avoit  une  foys  marche?  Il  est  temps  de  venir  aux  principales  [page  28]  reliques  de  nostre  Seigneur.  Ce  sont  celles  qui  appartiennent  a  sa  mort  et  passion.  Et  premierement  nous  faut  dire  de  sa  croix,  en  laquelle  il  fut  pendu.  Ie  say  qu'on  tient  pour  certain  qu'elle  fut  trouvee  d'Heleine,  mere  de  Constantin,  Empereur  Romain.  Ie  say  aussi  qu'ont  escrit  aucuns  docteurs  anciens  touchant  l'approbation,  pour  certifier  que  la  croix  qu'elle  trouva  estoit  sans  doubte  celle  en  laquelle  Iesus  Christ  avoit  este  pendu.  De  tout  cela,  ie  m'en  rapporte  a  ce  qui  en  est.  Tant  y  a  que  ce  fut  une  folle  curiosite  a  elle,  ou  une  sotte  devotion  et  inconsideree.  Mais  encores,  prenons  le  cas  que  ce  eust  este  une  oeuvre  louable  a  elle  de  mettre  peine  a  trouver  la  vraye  croix,  et  que  nostre  Seigneur  declara  adonc,  par  miracle,  que  c'estoit  celle  qu'elle  trouva:  seulement,  considerons  ce  qui  est  de  nostre  temps.  On  tient  que  ceste  croix  que  trouva  Heleine  est  encores  a  Ierusalem  ;  et  de  cela,  nul  n'en  doubte.  Combien  que  l'histoire  Ecclesiastique  y  contredit  notamment,  [page  29]  Car  il  est  la  recite  que  Heleine  en  print  une  partie  pour  envoyer  a  l'Empereur  son  filz,  lequel  la  mist  a  Constantinoble,  sur  une  coulomne  de  pourphyre,  au  milieu  du  marche;  *)  de  l'autre  partie,  il  est  dit  qu'elle  l'enferma  en  un  estuict  d'argent,  et  la  bailla  en  garde  a  l'Evesque  de  Ierusalem.  Ainsi,  ou  nous  arguerons  l'histoire  de  mensonge,  ou  ce  qu'on  tient  auiourdhuy  de  la  vraye  croix  est  une  opinion  vaine  et  frivole.  Or,  advisons  d'autre  part  combien  il  y  en  a  de  pieces  par  tout  le  monde.  Si  ie  vouloye  reciter  seulement  ce  que  i'en  pourroye  dire,  il  y  auroit  un  rolle  pour  remplir  un  livre  entier.  Il  n'y  1)  au  milieu  du  marche,  manque  dans  la  traduction  latine.