54:419  SERMON  IV  420  que  quand  avec  grand'  peine  et  difficulte  ceux-la  apporteront  une  pierre,  les  autres  en  arracheront  trois,  et  empescheront  que  l'edifice  ne  se  poursuyve.  Voila  ce  qu'on  voit  auiourd'huy  au  monde.  Et  d'autant  plus  nous  faut-il  employer  hardiment  a  ce  bastiment  spirituel  du  temple  de  Dieu,  et  que  la  difficulte  n'empesche  pas  que  nous  ne  continuyons  en  un  tel  labeur:  car  Dien  nous  fera  la  grace  d'en  venir  a  bout,  moyennant  que  nous  ne  soyons  point  oisifs  ne  nonchalans,  mais  c'est  bien  raison  que  nous-nous  y  efforcions,  comme  l'exemple  nous  en  est  ici  donne  par  sainct  Paul.  Et  notons  sur  tout  quand  il  dit  ce  qui  reste:  qu'un  chacun  regarde  a  soy,  et  qu'il  espluche  ce  qui  luy  defaut,  et  nous  trouverons  qu'encores  nous  sommes  occupez  en  beaucoup  de  vices,  tellement  que  nous  defaillons  du  tout  a  nostre  devoir.  Et  puis  il  y  a  une  telle  paresse,  que  nous  ne  travaillons  pas  de  la  centieme  partie  comme  il  seroit  requis:  au  lieu  que  nous  devrions  mediter  la  vie  celeste,  et  passer  par  ce  monde,  captivans  toutes  nos  meschantes  affections,  sans  y  estre  plus  retenus,  a  grand'  peine  pouvons-nous  avoir  quelque  pensee  au  ciel  qui  ne  passe  et  s'escoule  tantost.  Brief,  nous  voyons  une  froidure  telle  que  glace,  quand  il  est  question  de  tendre  a  Dieu,  et  de  cercher  la  vie  a  laquelle  il  nous  appelle.  Or  cependant  nous  avons  nos  affections  et  cupiditez  bouillantes  qui  nous  transportent.  Et  pourtant,  quand  nous  aurons  apperceu  en  ce  monde  que  tant  de  choses  nous  defaillent,  que  nous  soyons  tant  plus  affectionnez  a  nous  corriger.  Et  quand  nous  aurons  fait  cela,  estendons  nostre  veue  plus  loin,  regardons  a  l'estat  public,  et  alors  nous  verrons  les  blasphemes  d'un  coste,  les  paillardises  de  l'autre,  les  dissolutions  et  intemperances,  et  autres  scandales  et  infections:  cela  (di-ie)  nous  doit  bien  resueiller,  afin  que  nous  ne  soyons  point  si  outrecuidez  d'imaginer  qu'il  y  ait  une  perfection  telle  en  nous,  qu'il  n'y  faille  plus  mettre  la  main:  mais  au  contraire  que  cela  nous  solicite,  afin  que  nous  procurions  que  le  bien  s'avance,  et  qu'il  y  ait  meilleure  police  que  nous  ne  la  voyons  pas  auiourd'huy,  et  que  de  plus  en  plus  nous  approchions  de  Dieu,  et  de  la  regle  et  purete  entiere,  laquelle  il  nous  commande  par  sa  Parole.  Voila  donc  ce  que  nous  avons  a  retenir.  Or  cependant  notons  aussi  que  l'Evangile  ne  se  peut  maintenir  sans  le  moyen  que  sainct  Paul  adiouste,  Qu'il  y  ait  des  Pasteurs  establis  en  chacun  lieu.  Car  le  moyen  de  maintenir  l'Eglise,  c'est  la  predication,  comme  .nous  avons  monstre  ce  matin  que  c'est  la  semence  incorruptible  par  laquelle  nous  sommes  engendrez  a  Dieu,  c'est  le  laict  des  petis  enfans,  c'est  la  pasture  des  grans:  et  ainsi  il  faut  que  l'Eglise  perisse,  et  qu'elle  s'en  aille  en  ruine,  sinon  qu'elle  soit  maintenue  par  la  predication  de  la  parole  de