52:419  419  EPIST.  PAULI  AD  TITUM  420  tamen  servat,  ne  diffidere  eius  prudentiae  videatur.  Praeterea  in  exhortationibus  ideo  est  longior,  quia  praecipue  ad  sanctae  et  honestae  vitae  studium  revocandi  erant,  qui  otiosis  tantum  quaestionibus  erant  intenti.  Nihil  enim  est  quod  vagam  hominum  curiositatem  melius  compescat,  quam  dum  agnoscunt  in  quibus  se  officiis  exercere  debeant.  2.  Senes  ut  sobrii  sint  Ab  officiis  particularibus  incipit,  quo  magis  popularis  sit  sermo.  Id  autem  facit  non  modo  ut  se  attemperet  ad  eorum  captum,  sed  ut  magis  unumquemque  premat.  Generalis  enim  doctrina  minus  afficit.  Ubi  autem  paucis  exemplis  propositis  singulos  vocationis  suae  admonuit,  nemo  est  cui  non  promptum  sit  colligere,  sibi  a  Domino  satis  mandari  negotii  in  quo  se  exerceat.  Proinde  non  est  quod  hic  methodum  requiramus:  quia  consilium  Pauli  duntaxat  fuit,  breviter  indicare  quibus  de  rebus  loqui  debeant  pii  doctores,  non  autem  plenam  earum  rerum  tractationem  suscipere.  Senum  meminit  primo  loco.  Eos  vult  esse  sobrios  :  quia  vitium  senectuti  est  nimis  familiare  bibacitas.  Gravitatem,  quam  subiicit,  conciliant  mores  bene  compositi.  Nihil  enim  foedius  quam  senex  iuveniliter  lasciviens,  et  qui  sua  incontinentia  adulescentum  impudentiam  auget.  Ergo  in  senum  vita  reluceat  0��|AV6T7]C,  hoc  est,  dignitas  quaedam  quae  adulescentes  ad  verecundiam  cogat.  Id  potissimum  consequentur  temperantia  quam  mox  subiicit.  Sani  fide.  Nescio  an  obliqua  sit  allusio  ad  varios  senum  morbos,  quibus  opponat  hanc  animae  sanitatem:  mihi  certe  ita  videtur,  tametsi  nihil  affirmo.  Summam  autem  christianae  perfectionis  his  tribus  partibus  comprehendit,  non  sine  causa.  Fide  enim  Deum  colimus:  quia  neque  invocatio,  neque  alia  pietatis  exercitia  separari  ab  ea  possunt.  Dilectio1)  extenditur  ad  omnia  secundae  tabulae  praecepta.  Sequitur  p  a  t  i  e  n  t  i  a  ,  quasi  utriusque  condimentum.  Nam  nec  absque  ea  diu  staret  fides:  et  quotidie  multa  accidunt,  quorum  vel  indignitate,  vel  acerbitate  offensi  ad  caritatis  officia  non  languidi  modo,  sed  exanimes  essemus,  nisi  eadem  patientia  nos  sustineret.  3.  Anus  similiter.  Matronas  aetate  provectas  ut  plurimum  videre  est  aut  lascive  adhuc  se  colere,  aut  aliquid  habere  in  vestitu  superstitiosum:  raro  medium  tenent.  Utrique  vitio  occurrere  Paulus  voluit,  modum  praescribens  qui  et  decoro  et  religioni  congruat:  aut  si  mavis  simplicius,  ut  ipso  quoque  habitu  sanctas  et  pias  se  esse  testentur.  Alia  etiam  duo  vitia  quibus  fere  obnoxiae  sunt,  corrigit,  dum  calumnia!rices  ac  vinosas  esse  vetat.  Loquacitas  morbus  est  muliebris:  eum  senectus  augere  solet.  Huc  accedit  quod  sibi  nunquam  satis  disertae  videntur  mulieres,  nisi  dicaces  *)  Caritas.