9:418  nostra  definitiva  sententia,  quam  ex  scripto  recitamus  et  edimus,  te  Valentinum  Gentilem  adiudicamus  huic  poenae,  ut  exutus  usque  ad  camisiam,  pedibus  nudisf  et  capite  discooperta,  facem  accensam  manu  tenens,  [pag.  103]  genibus  in  terram  flexis,  veniam  a  nobis  et  iustitia  depreceris,  fatendo  te  impie  et  scelerate  sparsisse  falsam  et  haereticam  doctrinam,  et  scripta  tua  in  eius  defensionem  detesteris,  eaque  propriis  manibus  tuis  in  ignem  hic  accensum  coniicias,  donec  in  cinerem  redigantur,  tanquam  perniciosis  mendaciis  referta.  Et  quo  amplior  sit  reparatio,  ut  ad  clangorem  tubae  ducaris  per  omnia  urbis  compita  in  hoc  habitu,  cum  prohibitione  egrediendi  ex  urbe.  Sit  igitur  haec  poena  in  exemplum  aliis  qui  tale  crimen  imitari  vellent.  Exemplaria  suorum  scriptorum,  sicuti  iussus  erat,  non  sine  rara  poenitentiae  simulatione  et  fallaci  detestatione  manu  sua  palam  combussit:  Paulo  post  supplici  libello  senatum  rogavit  ut  sibi  daretur  exeundi  facultas,  ut  sequitur.!)  SUPPLICATIO  VALENTINI  GENTILIS  QUA  IMPETRAVIT  A  GENEVENSI  SENATU,  UT  ABSQUE  INTERPOSITO  VADE,  PRAESTITO  TAMEN  IUREIURANDO,  QUOD  POSTEA  FEFELLIT,  E  CARCERE  DIMITTERETUR.  [pag.  104]  Magnifici  domini,  pauper  ac  miserabilis  Valentinus,  humilis  vester  servus,  tanto  iam  tempore  in  vestris  carceribus  versatus,  supplex  vestrae  magnificentiae  significat,  quum  ipsi  ex  vestro  senatusconsulto,  et  quidem  addita  vestrae  indignationis  poena,  sit  interdictum  urbe  exire,  nisi  impetrata  a  vobis  venia,  se  paratum  vobis  parere,  et  omnibus  vestris  mandatis  alacriter  obsequi,  atque  in  urbe  vestra  commorari  quamdiu  vestrae  magnificentiae  visum  fuerit.  Caeterum  quod  a  me  petiit  Commentariensis2)  ut  vadem  nanciscerer,  praestari  a  me  nulla  ratione  potest,  praesertim  quum  hic  habitem  prorsus  inops,  extraneus,  solus,  absque  ullis  conterraneis,  cognatis,  vel  aliis  qui-  1)  Sic  princeps  et  Gallus.  Beza  vero  haec  habet:  Haec  igitur  ita  ut  iudicatum  erat  exsequutioni  sunt  mandata,  2.  Sept.  1558  et  ille  qui  exemplaria  .  .  .  .  combussit,  postea  nudus  per  urbem  fuit  circumductus,  ut  omnes  haberet  tum  anteacti  sceleris,  tum  etiam  consequutae,  ut  omnes  quidem  arbitrabantur,  poenitentiae  testes.  Aliquot  vero  post  diebus  idem  hunc  libellum  senatui  obtulit.  2)  le  Pseautier.  Quod  officium,  quum  alibi  semper  Saultier  scriptum  sit,  fortasse  ipse  Gentilis  in  extraneo  vocabula  erravit.  27