7:418  tura,  nisi  quod  monachi  somniando  luserint.  Quid  enim  per  ecclesiam  aliud  intelligunt?  Nam  ut  confluant  ex  toto  orbe  romanenses  episcopi,  hoc  est  quotquot  sub  vexillo  auspiciisque  illius  antichristianae  sedis  militant:  quam  tandem,  collatis  inter  se  capitibus,  interpretationem  nobis  conflabunt?  Bona  pars  vix  grammaticae  elementa  didicit.  Hoc  certe  mihi  negare  non  audebunt:  1)  vix  centesimum  quemque  ex  illis  esse,  qui  integrum  unum  prophetarum  librum,  aut  unam  [pag.  106]  apostolorum  epistolam,  aut  unam  evangelii  historiam  legerit.  Aliis  enim  curis  magis  sunt  occupati,  quam  ut  vacet  illis  sacra  legere.  Superest,  ut  hoc  sedi  apostolicae  privilegium  tribuant:  atque  sacrum  illud  os  Pauli  Fernesii2)  de  scripturae  interpretatione  rogandum  esse  dicant.  Alioqui  ecclesiam  nobis  assignent,  quae  sustinendo  tanto  oneri  par  futura  merito  credatur.  Nam  quibuscunque  sedem  romanam  extollant  elogiis,  nunquam  sanis  hominibus  persuadebunt,  vel  Cepham3)  esse  caput  :  vel  pudicum  sanctumque  coniugium,  carnalem  esse  vitam,  quae  sit  coram  Deo  maledicta.  Quorum  utrumque  papalibus  responsis  est  proditum.4)  Clamabunt,  totam  ecclesiae  autoritatem  labefactari,  si  ius  illi  interpretandae  scripturae  adimitur:  atque  ita  ianuam  patefieri  lascivis  ingeniis,  ut  quovis  perrumpant.  Imo  solent  hoc  nobis  crimen  ad  conflandam  invidiam  obiicere,  nos  ideo  arrogare  nobis  scripturae  interpretationem,  ne  quo  fraeno  cohibeatur  nostra  libido.  De  nobis  quominus  dicam  quod  res  habet,  impedit  verecundia.  Verissime  tamen  licebit  profiteri,  nos  intelligendis  scripturis  plus  lucis  attulisse,  quam  omnes  qui  ab  exorto  papatu  inter  eos  exstiterunt  doctores.  Neque  hanc  ipsi  laudem  detrahere  nobis  audent.  Atqui,  nemo  interea  [pag.  107]  est  nostrum,  qui  non  libenter  suas  lucubrationes  ecclesiae  iudicio  submittat.  Ergo  ecclesiae  autoritatem  neque  contemnimus,  neque  extenuamus:  nec  protervis  hominibus  habenas  laxamus,  ut  quidvis  audeant.  Utinam  vero  ecclesiam  nobis  ostenderent,  qualem  scriptura  ipsa  depingit:  facile  de  honore  conveniret.  Sed  quum  falsum  ecclesiae  titulum  ementientes  eius  expilatae  ac  nudatae  spolia  sibi  rapiant,  quid  aliud  possumus  quam  reclamare?  1)  en  despit  de  leurs  dens  ilz  seront  contrainctz  de  confesser.  2)  Sic  ubique.  Versio  gallica  scribere  solet:  Pol  de  Frenese.  3)  qui  vaut  autant  a  dire  que  pierre.  4)  Or  ces  belles  sentences  se  lisent  en  leurs  canons  et  voyla  comme  les  Papes  exposent  l'Escriture.  Calvini  opera.  Vol  VIL  27