6:418  dit,  autant  vaut  l'un  que  l'autre.  Car  ce  que  i'ay  desia  dit  monstre  suffisamment  quelle  impudence  c'est  de  produire  maintenant  les  souliers  de  Iesus  Christ,  que  les  Apostres  mesmes  n'ont  point  eu  de  leur  temps.  Venons  a  ce  qui  appartient  a  la  Cene  derniere  que  Iesus  Christ  fit  avec  ses  Apostres.  La  table  en  est  a  Rome,  a  sainct  Iehan  de  Latran.  Il  y  en  a  du  pain  a  sainct  Salvador  en  Hespaigne.  Le  couteau  dont  fut  couppe  l'agneau  Pascal  est  a  Trier.  Notez  que  Iesus  Christ  estoit  en  un  lieu  emprunte  quand  il  feit  [page  25]  sa  Cene.  En  partant  de  la,  il  laissa  la  table;  nous  ne  lisons  point  que  iamais  elle  ayt  este  retiree  par  les  Apostres.  Ierusalem,  quelque  temps  apres,  fut  destruite,  comme  nous  avons  dict.  Quelle  apparence  y  a  il  d'avoir  trouve  ceste  table  sept  ou  huit  cens  ans  apres?  D'avantage,  la  forme  des  tables  estoit  lors  toute  autre  qu'elle  n'est  maintenant.  Car  on  estoit  couche  au  repas,  et  non  pas  assis,  ce  qui  est  expressement  dit  en  l'Evangile.  Le  mensonge  donc  est  trop  patent.  Et  que  faut  il  plus?  La  couppe  ou  il  donna  le  Sacrement  de  son  sang  a  boire  a  ses  Apostres,  se  monstre  a  Nostre  Dame  de  l'Isle,  pres  de  Lion,  et  en  Albigeois  en  certain  couvent  d'Augustins.  Auquel  croira  on?  Encores  est-ce  pis  du  plat  ou  fut  mis  l'agneau  Pascal:  car  il  est  a  Rome,  a  Genes,  et  en  Aries.  H  faut  dire  1)  que  la  coustume  de  ce  temps  la  estoit  diverse  de  la  nostre.  Car  au  lieu  qu'on  change  maintenant  de  metz,  pour  un  seul  metz  on  changeroit  de  plat:  voire  si  on  veut  adiouster  foy  a  ces  sainctes  reliques,  [page  26]  Voudroit  on  une  faulsete  plus  patente?  Autant  en  est  il  du  linceul  duquel  Iesus  Christ  torcha  les  piedz  de  ses  Apostres,  apres  les  avoir  lavez.  D.  y  en  a  un  a  Rome  a  8.  Iehan  de  Latran,  un  autre  a  Aix  en  Allemaigne,  a  Saint  Corneille,  avec  le  signe  du  pied  de  Iudas.  Il  faut  bien  que  l'un  ou  l'autre  soit  faux.  Qu'en  iugerons  nous  donc?  Laissons  les  debatre  l'un  contre  l'autre,  iusques  a  ce  que  l'une  des  parties  ayt  verifie  son  cas.  Cependant,  estimons  que  ce  n'est  que  tromperie  de  vouloir  faire  a  croire  que  le  drap  que  Iesus  Christ  laissa  au  lougis  ou  il  feit  sa  Cene,  cinq  ou  six  cens  ans  apres  la  destruction  de  Ierusalem,  soit  voile,  ou  en  Italie,  ou  en  Allemaigne.  I'avoys  Qblye  le  pain  dont  miraculeusement  furent  repeuz  les  cinq  mil  hommes  au  Desert,  duquel  on  en  monstre  une  piece  a  Rome,  en  l'eglise  Nostre  Dame  la  neufve,  et  quelque  petit  a  sainct  Salvador  en  Hespaigne.  Il  est  dit  en  l'Escriture  qu'il  v  eut  quelque  portion  de  manne  reservee,  pour  sou-  1)  La  traduction  latine  a  bien  rendu  le  sens  de  cette  phrase  en  disant:  Forsitan  oportuit  etc.  27