54:418  donc  licite  de  se  resiouir.  Quand  les  danses  et  autres  ordures  seront  corrigees,  chacun  en  murmure.  S'il  y  a  dee  loix  aussi  bien  pour  tenir  bride,  a  ce  qu'un  chacun  ne  se  desborde  point  a  son  appetit,  cela  nous  semble  estre  trop  dur.  Et  pourquoy?  Par  faute  d'avoir  considere  ce  que  sainct  Paul  dit  ici.  Combien  qu'il  eust  travaille  en  Crete,  et  qu'il  eust  ordonne  une  forme  d'Eglise,  selon  la  regle  de  nostre  Seigneur  Iesus  Christ,  encores  n'avoit-il  peu  amener  le  regne  du  Fils  de  Dieu  a  sa  perfection.  Il  faloit  donc  que  cela  se  feist  par  succession  de  temps.  Et  auiourd'huy  comment  pourrions  -  nous  surmonter  sainct  Paul?  Si  nous  cuidons  estre  mieux  disposez  a  recevoir  une  police  parfaite  et  entiere,  que  n'ont  este  ceux  de  ce  temps-la,  c'est  un  abus.  Et  ainsi  apprenons  de  nous  desplaire,  et  que  cela  nous  pieque  pour  cercher  tousiours  l'advancement  du  regne  de  nostre  Seigneur  Iesus  Christ:  et  voyans  que  l'edifice  n'est  point  *  parfait,  que  nous  mettious  peine,  entant  qu'en  nous  sera,  de  tousiours  l'accomplir.  Si  nous  avons  quelque  maison,  quand  la  pluye  donnera  dedans,  on  craindra  que  tout  ne  se  pourrisse,  on  la  recouvrira:  s'il  y  a  une  muraille  qui  menace  ruine,  on  pensera  de  la  reparer.  Or  y  a-il  maison  en  ce  monde  si  precieuse,  que  le  temple  sacre  de  Dieu?  Et  il  nous  fait  cest  honneur  qu'il  veut  habiter  en  chacun  de  nous  par  son  sainct  Esprit:  et  puis  il  veut  que  nous  estans  coniointe  ensemble,  soyons  pierres  vives,  pour  servir  a  ce  bastiment  spirituel,  afin  que  nous  luy  offrions  sacrifices  au  milieu  de  nous,  et  qu'il  soit  la  adore,  et  que  son  nom  y  soit  invoque.  Nous  verrons  la  pluye  qui  decoulera  dedans,  nous  verrons  les  crevasses,  nous  verrons  les  ruines  toutes  manifestes,  et  nous  ne  penserons  point  a  entretenir  une  chose  de  si  grand  prix  et  dignite?  Quand  les  pourceaux  entreroyent  en  la  chambre  d'un  seigneur,  n'y  mettroit-  on  pas  incontinent  ordre,  qu'une  chose  si  vileine  ne  continuast  plus?  Et  nous  verrons  les  chiens  et  les  pourceaux  souiller  l'Eglise  de  Dieu,  et  y  apporter  leurs  infections,  nous  verrons  une  licence  desbordee  par  laquelle  le  nom  de  Dieu  sera  en  opprobre,  son  Eglise  sera  vilipendee,  et  nul  n'y  pensera?  Mesmes  on  voudra  qu'une  telle  confusion  soit  dissimulee,  et  une  telle  enormite.  Brief,  on  voit  que  la  plus  grand'  part  s'efforce  a  mettre  en  ruine  et  confusion  tout  ce  qui  aura  este  advances  Quand  il  y  aura  un  serviteur  de  Dieu  qui  preschera  fidelement  la  Parole,  qui  aura  zele  de  bien  guider  le  peuple,  et  qu'il  y  aura  quelque  petit  nombre  de  gens  semblables  a  luy,  qui  taschent  de  luy  aider,  la  plus  grande  multitude  s'efforcera  de  ruiner  tout:  27