52:418  (1.  Timo.  4,  5)  docet  Paulus,  verbo  nobis  sanctificari  omnia:  quia  nihil  pure  usurpant  homines,  nisi  quod  e  manu  Dei  fide  suscipiunt.  16.  Deum  profitentur  se  nosse.  Tractat  eos  ut  merentur:  nam  hypocritae,  qui  minutis  observationibus  insistunt,  quae  praecipuae  erant  christianae  vitae  partes  secure  contemnunt.  Ita  fit  ut  vanitatem  suam  prodant,  dum  in  apertis  flagitiis  apparet  Dei  .contemptus.  Et  hoc  est,  quod  intelligit  Paulus:  qui  in  una  cibi  specie  continentes  videri  volunt,  contumaciter  (velut  excusso  iugo)  lascivire,  foedos  et  nequitiae  plenos  esse  ipsorum  mores,  nullam  in  tota  eorum  vita  virtutis  scintillam  spectari.  CAPUT  IL  1.  Tu  vero  loquere  quae  decent  sanam  doctrinam.  2.  Senes  ut  sobrii  sint,  graves,  temperantes,  sani  fide,  dilectione,  patientia.  3.  Anus  similiter,  ut  sint  in  habitu  religiose  decoro,  non  calumniatrices,  non  multo  vino  servientes,  honesti  magistrae:  4.  quo  adulescentulas  temperantiam  doceant,  ut  ament  maritos  et  liberos,  5.  sint  temperantes,  purae  domus  custodes,  benignae,  subiectae  suis  maritis:  ne  sermo  Dei  male  audiat.  1.  Tu  vero  loquere.  Remedium  abigendis  fabulis  ostendit,  ut  Titus  aedificationi  insistat.  Sanam  enim  d  o  c  t  r  i  n  am  appellat,  quae  ad  pietatem  erudire  homines  potest.  Evanescunt  enim  omnes  nugae,  quum  id  quod  solidum  est  traditur.  Porro  dum  loqui  praecipit,  quae  sanae  doctrinae  conveniunt,  perinde  valet  ac  si  diceret  oportere  in  hac  praedicatione  Titum  esse  assiduum.  Neque  enim  sufficeret  semel  aut  iterum  fieri  istarum  rerum  mentionem.  Et  Paulus  non  de  unius  diei  sermone  agit,  sed  quamdiu  pastoris  officium  aget  Titus,  vult  in  hac  doctrina  occupari.  Sana  doctrina  dicitur  ab  effectu,  quemadmodum  e  converso  dicit  homines  ineptos  languere  circa  quaestiones  quae  nihil  prosunt.  Sana  ergo  salubrem  significat,  quae  animas  vere  pascit.  Ergo  hac  una  voce,  tanquam  solemni  edicto,  speculationes  omnes,  quae  ostentationi  serviunt  magis  quam  pietatem  iuvent,  ab  ecclesia  exterminat,  sicuti  in  utraque  ad  Timotheum  fecit.  Sanae  vero  doctrinae  duas  facit  partes  :  alteram,  qua  Dei  gratia  in  Christo  commendetur,  unde  sciamus  ubinam  quaerenda  sit  salus:  alteram  qua  formetur  vita  ad  timorem  Dei  et  innocentiam.  Tametsi  autem  prior  illa,  quae  fidem  continet,  longe  antecellit,  ideoque  studio  maiore  inculcanda  est:  Paulus  tamen,  quum  ad  Titum  scriberet,  in  servando  ordine  sollicitus  non  fuit.  Est  enim  illi  cum  perito  homine  negotium:  cui  iniuriam  faceret  si  illi  singula  dictaret,  ut  novitiis  aut  tyronibus  fieri  solet.  Docet  quidem  sub  Titi  persona  totam  Cretensem  ecclesiam:  decorum  27