47:418  rogo  qui  partes  meas  suscipiat.  Idem  sibi  vult  quum  Ioanni  dicit:  Ecce  mater  tua.  Mandat  enim  his  verbis,  ut  eam  matris  loco  habeat,  nec  secus  curet  ac  matrem.  Quod  dicit  mulier,  et  matris  nomine  abstinet,  quidam  ideo  factum  putant,  ne  gravius  doloris  vulnus  animo  eius  infligeret,  quod  ego  non  reiicio.  Verum  altera  coniectura  non  minus  probabilis  est,  quod  ostendere  voluerit  Christus,  peracto  humanae  vitae  stadio  iam  se  conditionem  illam  exuere  sub  qua  vixerat,  ac  coeleste  regnum  ingredi,  ubi  angelis  et  hominibus  imperet.  Scimus  enim  Christum  semper  fideles  a  carnis  intuitu  revocare  solitum.  Id  autem  in  morte  praesertim  fieri  oportuit.  27.  Accepit  eam  discipulus  in  sua.  Signum  observantiae  est  discipuli  erga  magistrum,  quod  Christi  mandato  paret  Ioannes.  Hinc  etiam  patet,  apostolos  habuisse  suas  familias:  quia  hospitio  excipere  non  poterat  Ioannes  Christi  matrem,  nec  eam  apud  se  habere,  nisi  fuisset  illi  domus  et  certa  vivendi  ratio.  Quare  ineptiunt  qui  putant  apostolos  relictis  facultatibus  nudos  et  inanes  ad  Christum  venisse:  plus  quam  vero  stulte  delirant,  quibus  sita  esse  videtur  in  mendicitate  perfectio.  28.  Post  hoc  sciens  Iesus,  quod  omnia  iam  impleta  essent,  ut  impleretur  scriptura,  dicit:  Sitio.  29.  Porro  vas  positum  erat  aceto  plenum.  Illi  autem  spongiam^  aceto  impletam,  hyssopo  circumdederunt  et  obtulerunt  ori  eius.  30.  Quum  ergo  sumpsisset  Iesus  acetum,  dixit:  Consummatum  est.  Et  inclinato  capite  tradidit  spiritum.  28.  Sciens  Iesus.  Multa  consulto  praeterit  Ioannes  ab  aliis  tribus  narrata.  Nunc  postremum  actum,  in  quo  multum  inerat  ponderis,  describit.  Quum  dicit  Ioannes,  vas  illic  fuisse  positum,  loquitur  tanquam  de  re  usitata:  ac  mihi  probatur  genus  potionis  fuisse  confectum  ad  mortem  accelerandam,  quum  miseri  homines  satis  diu  torti  essent.  Potum  vero  non  petit  Christus,  donec  omnia  fuerint  impleta:  quo  immensum  erga  nos  amorem  et  inaestimabile  salutis  nostrae  studium  testatus  est.  Nullis  verbis  exprimi  satis  potest,  quam  acerbos  dolores  perferret:  non  tamen  eximere  se  cupit,  donec  fuerit  Dei  iudicio  satisfactum,  suisque  omnibus  numeris  constet  expiatio.  Sed  quomodo  dicit  omnia  fuisse  impleta,  quum  adhuc  praecipuum  caput  deesset?  mors  ipsa  scilicet:  deinde,  annon  resurrectio  ad  salutis  nostrae  complementum  facit?  Respondeo,  Ioannem  complecti  quae  mox  sequutura  erant  :  nondum  mortuus  erat  Christus,  nondum  resurrexerat,  sed  videbat  nihil  amplius  obstare,  quin  ad  mortem  et  resurrectionem  pergeret.  Atque  ita  suo  nos  exemplo  ad  solidam  obedientiam  instituit,  ne  grave  27