37:418  -per  Mosem  praedixerat  Dominus,  adeo  ut  novum  hoc  videri  non  deberet:  Ipsi  provocaverunt  mo  in  eo  qui  non  est  deus:  ad  iracundiam  concitaverunt  me  in  vanitatibus  suis:  et  ego  quoque  provocabo  eos  in  eo  qui  non  est  populus,  in  gente  stulta  irritabo  illos  (Deut.  32,  21).  Denique  idem  minatur  nunc  propheta  quod  postea  a  Christo  denunciatum  fuit  quum  excaecatio  instaret:  Auferetur  a  vobis  regnum  Dei,  et  dabitur  genti  quae  fructum  proferet  (Matth.  21,  43).  Quum  dicit  patefactum  iri  Deum  iis  qui  non  interrogabant,  ostendit  gentes  praeventas  esse  gratia  Dei,  nec  quidquam  attulisse  meriti  aut  dignitatis,  quo  Deum  provocarent,  quod  aperte  convenit  cum  eo  loco  quem  citavimus,  ubi  Moses  gentem  stultam  appellat.  Itaque  sub  typo  universali  describit  quales  sint  homines  antequam  ipsos  Dominus  misericordia  sua  praeveniat.  Nec  enim  invocant  Dominum,  nec  quaerunt,  nec  de  eo  cogitant.  Ac  diligenter  notandus  est  hic  locus,  ad  stabiliendam  certitudinem  nostrae  vocationis.  Est  enim  haec  veluti  clavis  qua  nobis  regnum  coelorum  aperitur.  Hinc  pacatae  et  tranquillae  redduntur  conscientiae  nostrae,  quae  semper  dubiae  et  ancipites  essent,  nisi  testimoniis  huiusmodi  niterentur.  Videmus  ergo  non  temere  nec  subito  casu  accidisse,  ut  vocaremur  a  Deo,  atque  populus  eius  censeremur,  quum  id  iampridem  multis  testimoniis  praedictum  esset.  Ex  hoc  loco  Paulus  (Rom.  10,  20)  fortiter  pugnat  pro  vocatione  gentium:  ac  dicit  Isaiam  audere  fortiter  clamare  et  asserere  gentes  esse  a  Deo  vocatas,  quia  maius  quiddam  et  clarius  expressit,  quam  ferret  ratio  illius  temporis.  Aeterno  igitur  consilio  Dei  longe  antequam  res  accideret  nos  vocatos  esse  hic  perspicimus.  Bis  repetens  ecce  ego  magis  confirmat  tam  familiariter  patefactum  iri  Deum  extraneis  et  profanis  gentibus,  ut  in  medio  sui  habitare  non  dubitent.  Et  certe  ut  difficilis  creditu  erat  subita  illa  mutatio,  confirmari  opus  fuit.  Quanquam  in  ipsa  quoque  novitate  extollere  voluit  propheta  inopinatam  Dei  gratiam.  Summa  est,  ubi  se  Deus  gentibus  obtulerit,  atque  ipsae  in  sanctam  Abrahae  sobolem  coaluerint,  aliquam  fore  ecclesiam  in  mundo  Iudaeis  profligatis.  Quidquid  autem  hic  a  propheta  praedictum  est  per  evangelium  impletum  esse  cernimus,  quo  vere  Dominus  sese  exteris  nationibus  obtulit  atque  exhibuit.  Quoties  igitur  insonat  nostris  auribus  haec  vox  evangelii,  aut  ipsi  verbum  Domini  legimus,  sciamus  Dominum  praesentem  esse,  ac  se  offerre,  ut  familiariter  a  nobis  cognitus  secure  certaque  fiducia  invocetur.  3.  (Populus  qui  me  irritat)  Hic  designat  ac  fusius  prosequitur  quibus  in  rebus  Deo  rebelles  fuerint  Iudaei:  quoa  scilicet  relicto  Dei  mandato  variis  superstitionibus  se  polluerint.  Nuper  dixerat  alienatos  fuisse  Iudaeos  a  Deo  quod  in  suis  figmen-  27